الخميس، 31 ديسمبر 2009

سنة جديدة



happy new year



كل سنة وانتم طيبين



ويارب تكون سنة خير وسعادة وصحة وحب على الجميع

الاثنين، 21 ديسمبر 2009

رجل ككل الرجال











انت رجل تفي بوعودك ولا تخلف ابدا وعدا





رجل وفي لاصدقائك





رجل تعرف كيف تحافظ على بيتك وترعاه





رجل تعامل المرأة كملكة متوجة على عرشها






بدون تنازل او خضوع منك






رجل قوي الشخصية بكل هدوء وبلا تعنت






رجل تقف مع الحق دائما ولا تخاف في الحق لومة لائم






رجل بوجوده يحضر الامان والحنان





انت رجل ككل الرجال





لا تتعجب





فهذه هى صفات الرجال وتلك هى أخلاقهم



وهذا هو الرجل الحق والذى يستحق ان تطلق عليه صفة الرجولة





والذين يوجدون الاّن هم فقط ....







اشباه رجال














الثلاثاء، 1 ديسمبر 2009

ميرسي اوى لكم كلكم يا أجمل ناس




بجد مش عارفة اقولكم ايه


انتم فعلا اجمل ناس وانا سعيدة بيكم اوى وسعيدة ان ليا كل الاصدقاء العسولين دول


ميرسي اوى لتفاعلكم معايا في البوست اللى فات


واللى حسيت ان دمى فيه كان تقيل جدا وشلته خالص


لانى فكرت ولئيتنى كنت غلطانة


لما فكرت اقفل المدونة اللى كانت سبب بعد الله انى اعرفكم واتشرف بصداقتكم


والظاهر ان انا وجوزى اتحسدنا في البوست اللى فات وشوية كدا اختلفنا


ههههههههههههههههههههه


بس الحمد لله كل حاجة رجعت تمام ويارب دايما كدا



ومعلش بئا هارجع تانى للمدونة واصدعكم بكلامي اللى مش له اى لازمة



ميرسي اوى اوى لكم وميرسي لخوفكم وقلقكم عليا وربنا يخليكم ليا




انا ان شاء الله هاغير اللينك بتاع المدونة بعد يومين


لحد ما كلكم تغيروه عندكم واوعو تنسو تغيروه



وهايكون ان شاء الله








الخميس، 12 نوفمبر 2009

أنت الحب .. وأنت الحبيب

أحببتك ...أحببتك رغما عني..


لأنك قدري ...


أحببت غيرتك...

أحببت جنونك ...أحببت الحب لأنه أنت ...


ولا حب بدونك...

صوتي يردد طوال النهار كلمة أحبك


أحبك ...أشتاق الى وجودك...

اشتاق الى عينيك ...


لا أطيق الابتعاد عنك ولو لثانية واحدة


افقد عقلي وتركيزى بمجرد ان تغيب عن ناظري


هل جننت ؟ ...


هل طار عقلي؟ ...


لا لم اجن ...لا لم يطر عقلي ...


فقط احببتك انت


لست بافضلهم ..لكنك بطلي


انت لست اجملهم... لكنك ملاكي
( طبعا حبيبي أفضلهم وأجملهم )



وانا لست بعروس البحر لكني ملكك



لست كاملة الاوصاف لكني حبيبتك


لم اكن يوما شاعرة.. ومن اجلك قرضت الشعر


استأمنتك على قلبي وروحي ونفسي ..
فأنت أمين .. و قلبي بجوارك آمن


انت الأمن وانت الأمان


فأنت الحب .. وانت الحبيب .. وانت العمر


.

.

.


كلمات منقولة قرأتها واعجبتني جدا


حبيت اهديها لجوزي حبيبي




الجمعة، 30 أكتوبر 2009

هانى باشا كل سنة وانت طيب






كل سنة وانت طيب يا هانى باشا



كل سنة وانت طيب يامصري جدا ياللى بتحب مصر بجد مش كلام وخلاص





كل سنة وانت طيب ياللى فعلا كلامك وطريقتك بينسونا اى هموم






كل سنة وانت طيب يا اخف دم ياللى بجد بتعرف تضحكنا من قلبنا





كل سنة وانت طيب يا صاحب العقل الكبير والرأي السديد






كل سنة وانت طيب وعقبال مليون سنة







كل سنة وانت طيب والى الله اقرب


















الثلاثاء، 20 أكتوبر 2009

ناس .. و ناس ..


بنعرف في حياتنا ناس كتيييييير أوي

في ناس تعرفهم وتحس أنهم مرو في حياتك مرور الكرام

لم يكن لهم أى تأثير

زى ما دخلو زى ما طلعو مش حسيت بيهم أبدا

حتى وان استمر وجودهم في حياتك لسنوات طويلة

لكن المحصلة صفر

وجودهم زى عدمه

لا تشعر بوجودهم ولا تفتقد غيابهم

لم يتركو بصمة في حياتك

يمكن حتى لا تتذكرهم بعد خروجهم من حياتك

واذا تذكرتهم تكون الذكرى باهتة لا لون لها ولا طعم ولا رائحة

كم حد فينا كدا كان له أصدقاء في وقت معين ودلوقتى بالكاد يتذكرهم

أو يمكن حتى لو شافهم هايقول أنا ودا كنا أصدقاء ازاي
.

.

.

وفي ناس تانية من أول وهلة تخطف قلبك وعقلك ووجدانك

ومن الدقيقة الأولى لدخولها حياتك تترك بصماتها محفورة بداخلك

فتتمنى قضاء وقتك كله معهم

وتندم على وقتك الذى مضى قبل أن تعرفهم

يعطون لحياتك طعما مختلفا ويصنعون فرقا في أيامك

اذا فرحت اقتسمت فرحك معهم


واذا حزنت تجرى عليهم وتلقي بكل همومك وأحزانك على أكتافهم


وأنت تعلم تمام العلم أنهم لن ينوءو بحملك ولن يبوحو بسرك


تشتاق اليهم وتهفو روحك اليهم والجميل انك تعلم أنهم كذلك يبادلونك نفس الاحساس
.

.

.


دول ناس ..... ودول ناس


وما اكثر الصنف الأول ......... وما أندر الصنف الثاني

الجمعة، 16 أكتوبر 2009

شوية رومانسية



لأني بحب الأغنية دى أوى حبيت تسمعوها معايا

شوية رومانسية مش يضرو أبدا

ومش ليكو دعوة بالشاب اللى في اَخر الاغنية دا

اسمعو ومش تبصو

الخميس، 8 أكتوبر 2009

هل حقا تشتاق اليِّ ؟



أفرح كثيرا عندما أراها في نومي فلم يعد باستطاعتى أن أراها إلا في النوم ..


وعندما تأتينى أجدها مشتاقة إليّ كثيرا

مثلي تماما ...

اضمها الى صدرى ضمة أُودع فيها كل اشتياقي اليها ..


أحدثها كثيرا ونضحك سوياً

والغريب انى عندما أصحو من نومي أشعر ببعض الرضا


وكأنها كانت معي حقيقة .


هل حقا تشعر بي وبشوقي إليها ؟


هل حقا تشتاق إليّ ؟

نعم .. قلبي يحدثنى بأنها تشتاق إلي كما أشتاق إليها .


وأرجوكم إذا كان ما أشعر به وهماً فدعوني أعيش في وهمي .



( بوست قديم ليا في مدونة لم استطع ان استمر فيها


حبيت انقله هنا )


الأربعاء، 30 سبتمبر 2009

حملة مدونتك هانتقذ طفلك





اكيد الكل عارف دلوقتى عن هذه الحملة



وبردو كلنا عارفين ازاى هذا المرض اللعين انتشر بقسوة وللاسف انتشاره كان كبير بين الاطفال


والمرض دا مرهق ماديا ومعنويا جدا جدا


ومن حق المرضى المصابين بهذا المرض علينا اننا نقف معاهم ونساعدهم


انا شخصيا عندى معاناة قريبة مع هذا المرض المدمر مع اختى الله يرحمها



والحمد لله احنا كنا قادرين نعالجها ومع ذلك اراد الله ان ينتصر المرض والحمد لله على كل شئ


فما بالكم بمن لا يستطيع تحمل نفقات هذا العلاج



عموما الموضوع دا مرهق جدا نفسيا عليا ومش عارفه اتكلم فيه


لكن انا هاضع اللينكات اللى فيها كل التفاصيل عن هذه الحملة






وربنا يجازى اصحابها كل خير


دا لينك المدون طهر فؤادك

صاحب مدونة رسول الله 1 ربنا يجازيه كل الخير





دا الموضوع عند حبيبتى صبرنى يارب




ودا عند شموستى شمس النهار




ودا عند الحبيبة ام مالك

http://ommalek2009.blogspot.com/2009/09/blog-post_29.html





وربنا يشفي كل مريض ويبعد شبح هذا المرض عنا وعن كل الناس يارب






الجمعة، 25 سبتمبر 2009

انا جييييييت نورت البيت


انا جيت نورت البيت





او مش نورته مش مشكلة








المهم انى رجعت من السفر امبارح








ووحشتونى جدا جدا جدا جدا








ومع انى سافرت لمدة 5 ايام بس ولمكان قريب جدا من مرسى مطروح








يعنى المدة كانت قليلة والمكان مش بعيد بس حسيت انى مفتقداكم اوى








ومفتقدة كتابتكم ومدوناتكم اوى





وان شاء الله هاقرأ كل اللى فاتنى





وميرسي اوى اوى لصبرنى يارب





وللاستاذ هانى باشا



لسؤالهم وقلقهم عليا





وبجد انا سعيدة جدا لانى كسبت اصدقاء حلوين كدا





وربنا يديم المحبة والود بينا دائما
























السبت، 19 سبتمبر 2009

كل سنة وانتم طيبين


كل سنة وانتم طيوبين



كل سنة وانتم عسولين



كل سنة وانتم امورين



عيد سعيد عليكم يا ناس ياحلوين



يارب ايامكم كلها اعياد وسعادة باذن الله




الثلاثاء، 8 سبتمبر 2009

علبة الألوان


السلام عليكم ورحمة الله وبركاته






مش عارفه ليه دايما بحس ان الدنيا علبة الوان كبيييييييييييييييرة اوى



وكل حاجة فيها لها لون معين





حتى الناس وأنا أولهم طبعا



ومش اقصد باللون اللون العادى الطبيعى الظاهر



انا اقصد اللون من جوا


كل لون بدلالاته وما يعبر عنه



انا مثلا كتير اوى بحس اني بينك




مليانة حيوية وبلعب مع بناتى وكأنى طفلة زيهم وفرحانة بالدنيا


ومرات تانية احس انى بلاك غامق جدا



اه والله مرات بحس انى اسود اوي




ودا لما ازعل من حد جدا واّخد منه موقف ودى حاجة مش عارفه ابطلها

لما بزعل اوى او بتصدم في حد مش بعرف اسامح ولا اتعامل معاه خالص
وساعتها بحس انى اسود



واوقات احس اني بني

بحس انى كدا لما اكون رخمة وغلسة ومش ليا مزاج لاي حاجة



بكون كدا ردودى وكلامى من غير اى طعم
مش رايقة ومش صافية زي اللون البني بالظبط



وفي اوقات اخرى احس انى ابيض



( مش هاعرف طبعا اكتب كلمة ابيض باللون الابيض لانها مش هاتكون واضحة

وانتم لانكم عسولين هاتعملو نفسكم انكو شايفينها ابيض
ودا طبعا حفاظا على النظام العام للبوست )
حد هايقول اه انتي مغرورة بئا وهاتقولى ابيض ونقاء وبراءة وكدا




هاقوله لا طبعا خالص




مش اقصد كدا




انا اقصد ابيض يعنى زى ابيض ياورد كدا

ابيض يعنى مش بفكر في اي حاجة خااااااااااااااااااالص





متنحة ومخي متوقف تماما




بلهاء لا افقه شئ



كل ما حد يكلمنى ارد بكلمة ...... نعم ؟؟؟




وفي الوان كتير تانية بحسها فيا


زي الاصفر مثلا لما أغير على شخص او حاجة بحبها





وألوان تانية كتير بس مش فاكراها دلوقتي




انا النهاردة عاوزه كل حد يقرأ البوست دا يكتب لي هو شايف نفسه اي لون



ولو عاوز يقول شايفنى انا لون ايه يقول براحته خالص





بس يكون رأيه بصراحة ..... حتى لو كان رأيه فيا اني بني على طول






ملحوظة :




لانى وجعت دماغكم بقالي فترة بحالتى النفسية الملخبطة




ولانى مش من الناس اللى بتحب تشتكي بس




وزى ما بشارككم حالتي الوحشة لازم اشارككم الحلو كمان







عاوزة اقولكم اني الحمد لله دلوقتى احسن كتيروحاسة اني بينك






ومع اني من امبارح وانا متوترة جدا بسبب تعب شخصية عزيزة عليا اوى






بس حاسه ان شاء الله انها هاتكون احسن





وان تعبها دا مجرد تفكير وارهاق ومش اكتر من كدا باذن الله





لكن اجمالا انا الحمد لله دلوقتى نفسيا تمام وميرسي ليكم جدا ولسعة صدركم معايا






ملحوظة تانية بردو وهامشي بعدها والله على طول :




انا بعتذر عن عدم حضورى يوم السبت للفطار والمستشفى



واللى كنت نفسي اوى احضره لكني لم استطع لظروف خاصة



ومش هاقول اللقاء الجاى هاجى لانى كل ما اقول كدا مش اعرف اّجى وهاسيبها على ربنا





وان شاء الله عندى امل انى اشوفكم قريب

















الخميس، 20 أغسطس 2009

رمضان كريم








كل سنة وانتم طيبين بمناسبة شهر رمضان الكريم








اعاده الله عليكم باليمن والبركات








شهر مبارك عليكم يا احلى ناس








وبجد مبسوطة انى معاكم السنة دي








وسط اخواتى واصدقائي اللى كأنى اعرفهم منذ زمن بعيد








وان شاء الله نتقابل على خير واشوفكم في افطار رمضان








اللى هاتكون تفاصيله موجودة باذن الله عند الاستاذ
خالد
همس الاحباب






وصوما مقبولا للجميع باذن الله


السبت، 8 أغسطس 2009

رقاص وبيرقص

الاسبوع الماضي رحت انا وزوجي لقضاء يومي السبت والاحد في مارينا








ولان حماتى هى واخوات زوجى كانو في شاطئ النخيل قلنا لازم نروح لهم يوم الاحد






ورحنا فعلا وحسيت ان المكان تغير كثيرا عن زمان اصبح اكثر زحاما وأقل كثيرا في






المستوى






ولم يؤرقنى هذا كثيرا






وقلت مش مشكلة المكان يوم وهايعدى المهم لمة العيلة






ولانى مش عشاق البحر وخاصة ليلا قررنا السهر على شاطئ البحر






ولقيت ان كل رمال الشاطئ ليلا بتتحول الى ما يشبه الكافيهات






طبعا انا كنت ناسية اى حاجة ومش سامعة غير صوت الامواج العالى واللى حسيت انها


بترحب بيا انا وكل امثالى من محبي البحر







ودخلنا احد هذه الكافيهات لشرب العصير واللى كان العاملين فيه بيحضرو المكان وكأن




حفلا سوف يقام فيه






وفي تمام الساعة 12






اشتغل الدي جي ببعض الاغاني الهادئة وامتلأ المكان بالرواد اللى عرفت من علاقتهم






الوطيدة بالعاملين في المكان انهم بيسهرو يوميا في المكان






وبعد نص ساعة بالظبط






تغيرت الاغانى تماما






وقدم الدى جى شابا




و لم اسمع بالتحديد ما قاله عنه






ودخل الشاب الى المكان






كان شابا طويل القامة عريض المنكبين




بلبس كاب اسود يغطى تقريبا نصف ملامح وجهه






وبدأ برقص على انغام اغنية من اغانى القديرة بوسي سمير






ومش اى رقص




دا كان بيرقص بيرقص يعنى



بيرقص ولا احسن رقاصة




كان بيعمل الرعشة والقصعة على رأي سهبر البابلى في مسرحيتها






منظر مقزز بجد








ولانكم عارفين ان انا طيوبة وعسولة






قلبي الطيب حاول يلتمس العذر للشاب






وقلت مش يمكن يا حرام مش لاقي شغل ومضطر لكدا






يمكن عنده 15 اخ واخت وهو بيصرف عليهم




او مامته مريضة




دا حتى يا حرام مغطى وشه بالكاب من كسوفه






بس مع سخونة الاغنية خلع الشاب الكاب تماما ورماه






والظاهر انه كان خلاص دخل في المود






وبدأ يمثل كل كلمات الاغنية بشكل مبتذل ووقح






المشكلة بقا ان انا الوحيدة انا وجوزى من الموجودين في المكان اللى كنا مستاءين من اللى


بيحصل دا






وكنت كل ما ابص للموجودين الاقيهم كول خالص الستات الكبار والجدات فرحانين اوى






والامهات كل واحدة ماسكة بنتها بتحاول تقنعها انها تقوم ترقص






والبنات فعلا بيقومو




عاوزين يقلدو عمو الرقاصة


والرجالة كلهم عادى جدا وكأن دا شئ عادى


او يمكن انا وجوزى اللى متخلفين




بجد شئ يقرف




هو معقول احنا بقينا كدا ؟؟؟




هى دى رجالتنا ؟؟؟




هما دول شبابنا ؟؟؟






وازاى الناس متقبلة الشئ دا عادى كدا ؟؟؟






ايه اللى وصلنا لكدا ؟


ازاى الحاجات دى بتحصل كدا بدون اى رقابة عليها ؟؟




انا طبعا كنت بقول لنفسي الكلام دا وايدى في ايد جوزى




لانه كان بيشدنى علشان نقوم من المكان وهو زعلان جدا وبيقولى انا غلطان لانى قعدت هنا


اصلا






عرفت ساعتها ان صوت امواج البحر العالى اوى اللى كنت سامعاه مش كان ترحيب بيا


زى ما فهمت




دا كان اعتراض وحزن البحر على اللى بيحصل على رماله












الجمعة، 31 يوليو 2009

3 حاجات

السلام عليكم ورحمة الله وبركاته
وحشتونى جدا جدا كلكم
عارفة انى مقصرة اوى معاكم
بس ان شاء الله خلاص هارجع اتابع الكل زى الاول
لا وايه كمان راجعة لكم باسم جديد للمدونة
حبيت اغير الاسم لان حسيت انه مش مناسب خاصة ان مش بكتب في حاجة معينة
وحتى الاسم دا مؤقت لحد ما استقر على اسم اكون مقتنعة بيه
دى اول حاجة كنت عاوزه اقولها
تانى حاجة
عاوزه أبارك لحنين القلب اللى بجد فرحت اوى اوى بخبر حملها
ربنا يتمم لها على خير ويقومها بالسلامة
وتجيب لنا أحلى بيبي
ثالث حاجة
انا فرحانة جدا بيكم
فرحانة انى عرفت ناس بالقلوب الحلوة دي
بجد بنسى اى حاجة لما بلاقي لسا في ناس كدا بتحب في الله ومن غير اى هدف
ناس زى محاسن صابر اللى رغم قصر المدة اللى عرفتها فيها الا انى حاسه انى اعرفها
من سنين طويلة
واللى اسرتنى بذوقها وسؤالها الدائم عنى
وصبرنى يارب الجدعة اوى اللى رغم انشغالها باولادها وبيتها مش بتنسى ابدا تسأل عليا
ميرسي لكل اللى سأل عنى
بجد ميرسي اوى لكم كلكم
ياريت تقولولى رأيكم في الاسم الجديد واستقر عليه ولا لأ