الجمعة، 31 يوليو 2009

3 حاجات

السلام عليكم ورحمة الله وبركاته
وحشتونى جدا جدا كلكم
عارفة انى مقصرة اوى معاكم
بس ان شاء الله خلاص هارجع اتابع الكل زى الاول
لا وايه كمان راجعة لكم باسم جديد للمدونة
حبيت اغير الاسم لان حسيت انه مش مناسب خاصة ان مش بكتب في حاجة معينة
وحتى الاسم دا مؤقت لحد ما استقر على اسم اكون مقتنعة بيه
دى اول حاجة كنت عاوزه اقولها
تانى حاجة
عاوزه أبارك لحنين القلب اللى بجد فرحت اوى اوى بخبر حملها
ربنا يتمم لها على خير ويقومها بالسلامة
وتجيب لنا أحلى بيبي
ثالث حاجة
انا فرحانة جدا بيكم
فرحانة انى عرفت ناس بالقلوب الحلوة دي
بجد بنسى اى حاجة لما بلاقي لسا في ناس كدا بتحب في الله ومن غير اى هدف
ناس زى محاسن صابر اللى رغم قصر المدة اللى عرفتها فيها الا انى حاسه انى اعرفها
من سنين طويلة
واللى اسرتنى بذوقها وسؤالها الدائم عنى
وصبرنى يارب الجدعة اوى اللى رغم انشغالها باولادها وبيتها مش بتنسى ابدا تسأل عليا
ميرسي لكل اللى سأل عنى
بجد ميرسي اوى لكم كلكم
ياريت تقولولى رأيكم في الاسم الجديد واستقر عليه ولا لأ

هناك 32 تعليقًا:

اقصوصه يقول...

هلا بك غاليتي

الاسم حلو ومتفرد

سعدت بمروري من هنا

بانتظارك دوما :)

تحياتي

بنجاواتى يقول...

سلام عليكم

ازيك يا ريم

حمد الله على سلامتك

الاسم الجديد مش قوى يا ريم
يعنى لو تشوفى اسم غيره اكيد انتى هتلاقى احسن ...لكن لو انتى شايفاه حلو يبقى هنحبه علشانك

تحياتى

MǿиY El-Shreef يقول...

اولا الف حمدلله ع سلامتك ياريموو

وحشاني اووووووي

والاسم عاجبني اوي

حاجه يونيك كده

ههههههه

حلوه يونيك

موووووواه ياقمره

Remas يقول...

اقصوصة

اهلا بيكى يا قمر

انا اسعد بمرورك

نورتينى وميرسي لان الاسم عجبك

Remas يقول...

بنجاواتى

ازيك يا بنجا

عامل ايه ؟

انا فعلا لسا مش استقريت على اسم

عشان كدا سايبة اللينك زى ماهو

لو عندك اقتراحات قولى عليها

Remas يقول...

مونى القمر

وحشاااااااااااااانى اوى اوى اوى

حلوة يونيك دى

ههههههههههههههههههههههه

مش عارفة يا مونى لسا مش استقريت على الاسم اوى


بس لو عجبك اسيبه عشانك يا جميل انت

VÖltaa يقول...

اسم لذيذ وفيه فكرة
ولو انه فى الاول مش سهل الهضم
بس بعد شوية سفن اب وميرندا بقى سهل الهضم
وظهرت معانى الاسم

ايه اللى انا قلته ده ^_^


حمدلله عالسلامة

Remas يقول...

mo7ammed


لذيذ ايه بقا دا انت بهدلته خالص

هههههههههههه

خلاص اتعقدت منه هاغيره

نورتنى يا محمد والله

ahmed_k يقول...

إزيك يا ريم
عدتي والعود أحمد (مش أحمد أنا لأ أحمد تاني)
ومبروك تجديد عنوان المدونه
هو الإسم الجديد حلو بس يا ترى حتوصل الرسائل إزاي من غير بريد ؟؟

خالص تحياتي

Remas يقول...

ahmed_k

ازيك يا استاذ احمد

واخبار السنة الجديدة ايه معاك

يارب تكون سنة سعيدة في عمر مديد سعيد

ماهى الرسائل مش بتوصل اوى لانها من غير بريد

بس خلاص هاغيره عقدونى يا استاذ احمد من الاسم

mohamed ghalia يقول...

حلو الإسم ياريم
أوك كملى بيه وإن شاء الله بالتوفيق دايما

Remas يقول...

mohamed ghalia

محمد ازيك

ميرسي يامحمد انا كنت قربت اكره الرسائل كلها لان الاسم مش عجب كتير

وبصراحة انا بردو مش كنت مقتنعة اوى بيه

منورنى يا محمد

حنين القلب يقول...

ربنا يخليكى ليه
ولا يحرمنى من حبك ولا حنيه قلبك ابدا يا اجمل ام فى الدنيا
هجيب بنت شبه كنزى
ههههههههههههههههههههه

بجد يا ريم انتى انسانه طيبه واحساسك راقى جدا
ربنا يبارك ليكى فى اولادك وزوجك وبيتك

Ranim Ayman يقول...

ريم أنامديقة علشان مدخلتش على مدونتي بجد نفسي تدخلي

غير معرف يقول...

اية دا كلو اية دا كلو
بئا اغيب يومين تغيري البيت وتعزلي
ماشي ماشي
رسائل بلا بريد
جوابات من غير طوابع
عربية من غير موتور
الزمن دة خلص خلاص
احنا في زمن الايميل
سميها ايميل من غير سايت
ال جوابات من غير بوسطجي ال
طب وبتوع معهد البريد يصيعوا يعني
اية الافترا بتاعكوا دة

غير معرف يقول...

جميل ياريم النغيير حلو برضه
وياريت تعملى تغيير كمان لقالب المدونة
عارفة التغييرات ديه حتخليكى
فى حالة نشاط وبهجة ومش حتزهقى ابدا
بعد كده
تحياتى

حنعيش يعنى حنعيش يقول...

اولا حمد الله على السلامة
ثانيا الاسم ممتاز اتكلى على الله
ثالثا لو شقتك فيها نفس اوعى توضبيها لانك نفسك انت اللى حينقطع

Remas يقول...

حنين القلب

ازيك يا حبيبة قلبي

والبيبي اخباره ايه

يا حنين انتى اختى وربنا يعلم انا فرحانه لكى اد ايه

وميرسي ياقمر على كلامك الحلو

وان شاء الله بنوتك تكون احلى من كنزى ومن كل البنوتات اللى في الدنيا

ربنا يتمم لك على خير يارب ويقومك بالسلامة

Remas يقول...

ranim

يا حبيبة قلبي انا اسفة جدا جدا انى مش دخلت عندك

ولكى حق تدايقى وتزعلى منى انا بس كنت فعلا مشغولة ومش بدخل حتى مدونتى

وانا حالا حالا هادخل عندك ومش هتأخر تانى في زيارتك

ومش تزعلى منى يا قمر

Remas يقول...

مصرى جدا

انت مش عاجبك كدا اى حاجة دايما

وبعدين مش انت اللى مشيت واتأخرت

طيب كنت تبقا موجود علشان اخد رأيك

عموما انا خلاص اتعقدت من الاسم دا وهاغيره بس الاسم اللى اختاره لازم لازم تقولى انه حلو حتى لو مش عاجبك

حمد لله على السلامة يا باشا

Remas يقول...

ام مالك

ازيك يا ام مالك وحشانى جدا جدا

عندك حق التغيير فعلا مهم وبيدى حماس اكتر

بس انا مش بعرف اوى في تغيير القالب بتاع المدونة اول ما اعرف هاعمله ان شاء الله

Remas يقول...

حنعيش يعنى حنعيش

ياه اخيرا يا دكتور حد عجبه الاسم

رفعت معنوياتى والله

طيب يعنى ايه مش اعمل الشقة بجد

والله هو فعلا يا دكتور شئ متعب جدا بس احيانا بيكون التغيير مطلوب زى التغيير في المدونة كدا

نورتنى يا دكتور والله

ذو الوجه المبتسم يقول...

السلام عليكم
حمدلله على السلامة

بخصوص الاسم
ياريت تخليه زي ما هو احسن
بدون تغيير

Ranim Ayman يقول...

ريم انتي هتيجي يوم ٨/٨ الأزهر برككك ؟؟؟؟؟؟؟؟؟؟؟؟؟؟؟؟؟

ضايع يقول...

ايه ده هو انتي كمان كنتي مبلغه اختفاء زيي؟ انا كنت فاكر اني الوحيد:)

عموما حمد لله على العوده انتي من الناس الي بستمتع بالقرأة لهم :)

تحياتي .......

Remas يقول...

ذو الوجه المبتسم

وعليكم السلام ورحمة الله وبركاته

ازيك يا استاذ ناجى

تقصد اى اسم فيهم

الجديد ولا القديم

سلامى لاولادك العسولين

Remas يقول...

ranim

يا حبيبة قلبي انا هحاول اجى ان شاء الله

وهاقولك طبعا قبلها

انتى هاتروحى ؟

Remas يقول...

ضايع

الف حمد لله على سلامتك

نورتنا ونورت مدونتك وكل المدونات المجاورة والبعيدة كمان


يا سيدى ميرسي اوى وربنا يخليك على كلامك الحلو

بس مش مسموح انك تغيب تانى عن المدونة

نورت بجد ومبسوطة جدا لرجوعك

Ahmed Al-Sabbagh يقول...

حمدلله على السلامة
ربنا يكرمك

Ranim Ayman يقول...

anaaaaaaaaaaaaaaaa ahhhhhhh ta2rybannnnnnnnn w ya rab anty kaman tro7yyyyyyyyyyyyyyyy ya remmmmmmmmmmm nefsyyyyyyyy ashofakkkkkkkkkkkkkkkkkk mot motttttttttttttt

Remas يقول...

الخال العسول اوى احمد الصباغ

الله يسلمك يارب

انت نورت المدونة بجد

Remas يقول...

ranim

ياحبيبة قلبي انا اللى عاوزه اشوفك اكتر والله

بس انا مش عارفة هاقدر اجى ولا لأ

بنتى تعبانة شوية

عموما حتى لو مش جيت هاتصل وهاكلمكو ان شاء الله

انتى عسولة اوى يا رنيم