الثلاثاء، 24 مايو 2011

محـــض روح




من فرط توتري أسمع دقات قلبي واضحةً جلية .. كدقاتِ ساعةِ حائطي المزعجة


أشعر به يكاد يشقُ أضلعي شوقاً إليك


هوينك يا قلب


لن يتسع لك مكان إلا صدري وبين أضلعي


آمركَ أن ابقَ


ليس استبداداً مني


وإنما خوفٌ عليك من تجربةٍ قد تفقدك القدرةَ على النبض


--




دائماً ما يقولون
( كن كالشمعة تحترق من أجل الآخرين )
فهل علموا شيئاً عن الآخرين ؟؟



فالآخرون سرعان ما يتخلصون من بقايا الشمعة المحترقة – من أجلهم – محضرين
شمعة جديدة



والآن ..


هل يستحق الآخرون تضحية الشمعة ؟؟؟
--



مررتُ من أمام مرآتي وتجاوزتها ببضع خطوات

فشعرتُ بتلك المرأة القابعة بداخلها


تطلُ برأسها ناظرةً نحوي ..

فعدتُ إليها ووقفتُ مقابلها تماماً
وحدقتُ في عينيها وسألتها :


ما تلك النظرةُ في عينيك ِ ؟؟


أخائفةٌ مني ؟؟

أم تشعرين بالخوف عليّ من مجهولٍ تبصرينه وحدكِ قادماً ورائي ؟؟

--


بربك كف عني يديك النابشتين بين أضلعي


فلن تجد إلا قلباً ميتاً

فما اشبهك بنابش قبورٍ لا يجد إلا جثثاً هامدة

--


ألوحُ بكفي مودعةً بعضاً من روحي ولّي مع تجربةٍ مهزومةٍ بسيف قوتي
ثم ألملم بقايا الروح ... أضمها إلى صدري
علّني أداوي جرح الفقد
وأعلم تماماً أن محاولاتي عابثةٌ .. فاشلة
فجراح الروح أبداً لا تندمل
--



أعـــزائي



هناك أشخاص في الحياة يقومون بدور فرشاة الرسم

يلونون حياة الآخرين .. وتختلف الألوان باختلاف أنواع تلك الفرش البشرية


---


الاثنين، 16 مايو 2011

شـــــــــــكراً لكـــــــم


امبارح كان عيد ميلادي ال 18 طبعا كالعادة من 15 سنة

السنة دي عيد ميلادي كان مختلف كتير رغم اني كنت في حالة نفسية سيئة جدا بسبب وفاة والد بسكوته الغالية اللى فاجاءنا منذ ايام قليلات

الا ان اصدقائي ربنا يخليهم ليا يااااارب
احتفلوا بيا جدا جدااااااا وشفت منهم حب في الله لم أره من قبل
علشان كدا كان لازم اعمل البوست دا واقولهم اد ايه انا شاكرة ليهم وفرحانة بوجودهم في حياتي

وحبيت تشوفوا معايا الصور التصميمات اللى تعبوا وعملوها علشاني


اول صورة من البنوتة الجميلة اوي صاحبة القلم الجميل

الشوكة الناعمة مدونة الشوكة الناعمة

ورغم صداقتنا القريبة الى انى بحبها جداااااااا وكأني اعرفها من زمان اوي

تسلمى لي يااااارب يا احلى شوكة ناعمة في الدنيا
اول مرة احب الشوك


تاني تصميم كان من اخويا العزيز
مصطفى سيف مدونة طير الرماد
القصاص الماهر
ميرسي كتييييير مصطفى


التالت بقى من
محمد متولي
صاحب بوكيه الورد
ميرسي اوي محمد نعم الاخ والله



والمفاجأة الاخيرة
كانت من
دودو عاشقة الرومانسية
حبيبة قلبي اللى سهرت طول الليل وراحت شغلها وهى مش نامت علشان تخلص الفيديو الجمييييييل دا

اللى فعلا حسيت انها عملته من قلبها
تسلمى لي يا دودو ياقمراااااااااااية ربنا مش يحرمنى منك ابداااااااا ابداااااااااااا

بجد عمرى ما هانسى المفاجأة الحلوة دي



طبعا مش هانسى كل اللى تعبوا وفعدوا بردو طول الليل يحتفلوا بيا وانا كعادتي اتأخرت عليهم
وفضلوا يحتفلوا على الفيس وانا رحت لهم اخر شوية والناس خلاص كانت نامت تقريبا
طول عمرى غلسة انا عارفه
ميرسي لكل
جروووب كلمات
واصحاب بيت المدونين
مــــــــــــارو قلب القطة
ايــــــــــــــمي الحب الجميل
منى هيكــــــل
سما الشيخ
وكل البنوتات
ميرسي لكل اخواتي البنوتات ولاخواني الرجال اللى كتبوا لى على وول الفيس


وميرسي اوووووووووي اوووووووي

لجوجو

الجواز وسنينه

كلكم كلكم خليتوا عيد ميلادي احلى بجد

وحسستوني انى فعلا اليوم دا نسيت كل حاجة وفكرت بس في ذوقكم
شكـــــــــــــراً لكم