السلام عليكم ورحمة الله وبركاته
وحشتونى جدا جدا كلكم
عارفة انى مقصرة اوى معاكم
بس ان شاء الله خلاص هارجع اتابع الكل زى الاول
لا وايه كمان راجعة لكم باسم جديد للمدونة
حبيت اغير الاسم لان حسيت انه مش مناسب خاصة ان مش بكتب في حاجة معينة
وحتى الاسم دا مؤقت لحد ما استقر على اسم اكون مقتنعة بيه
دى اول حاجة كنت عاوزه اقولها
تانى حاجة
عاوزه أبارك لحنين القلب اللى بجد فرحت اوى اوى بخبر حملها
ربنا يتمم لها على خير ويقومها بالسلامة
وتجيب لنا أحلى بيبي
ثالث حاجة
انا فرحانة جدا بيكم
فرحانة انى عرفت ناس بالقلوب الحلوة دي
بجد بنسى اى حاجة لما بلاقي لسا في ناس كدا بتحب في الله ومن غير اى هدف
ناس زى محاسن صابر اللى رغم قصر المدة اللى عرفتها فيها الا انى حاسه انى اعرفها
من سنين طويلة
واللى اسرتنى بذوقها وسؤالها الدائم عنى
وصبرنى يارب الجدعة اوى اللى رغم انشغالها باولادها وبيتها مش بتنسى ابدا تسأل عليا
ميرسي لكل اللى سأل عنى
بجد ميرسي اوى لكم كلكم
ياريت تقولولى رأيكم في الاسم الجديد واستقر عليه ولا لأ
هناك 32 تعليقًا:
هلا بك غاليتي
الاسم حلو ومتفرد
سعدت بمروري من هنا
بانتظارك دوما :)
تحياتي
سلام عليكم
ازيك يا ريم
حمد الله على سلامتك
الاسم الجديد مش قوى يا ريم
يعنى لو تشوفى اسم غيره اكيد انتى هتلاقى احسن ...لكن لو انتى شايفاه حلو يبقى هنحبه علشانك
تحياتى
اولا الف حمدلله ع سلامتك ياريموو
وحشاني اووووووي
والاسم عاجبني اوي
حاجه يونيك كده
ههههههه
حلوه يونيك
موووووواه ياقمره
اقصوصة
اهلا بيكى يا قمر
انا اسعد بمرورك
نورتينى وميرسي لان الاسم عجبك
بنجاواتى
ازيك يا بنجا
عامل ايه ؟
انا فعلا لسا مش استقريت على اسم
عشان كدا سايبة اللينك زى ماهو
لو عندك اقتراحات قولى عليها
مونى القمر
وحشاااااااااااااانى اوى اوى اوى
حلوة يونيك دى
ههههههههههههههههههههههه
مش عارفة يا مونى لسا مش استقريت على الاسم اوى
بس لو عجبك اسيبه عشانك يا جميل انت
اسم لذيذ وفيه فكرة
ولو انه فى الاول مش سهل الهضم
بس بعد شوية سفن اب وميرندا بقى سهل الهضم
وظهرت معانى الاسم
ايه اللى انا قلته ده ^_^
حمدلله عالسلامة
mo7ammed
لذيذ ايه بقا دا انت بهدلته خالص
هههههههههههه
خلاص اتعقدت منه هاغيره
نورتنى يا محمد والله
إزيك يا ريم
عدتي والعود أحمد (مش أحمد أنا لأ أحمد تاني)
ومبروك تجديد عنوان المدونه
هو الإسم الجديد حلو بس يا ترى حتوصل الرسائل إزاي من غير بريد ؟؟
خالص تحياتي
ahmed_k
ازيك يا استاذ احمد
واخبار السنة الجديدة ايه معاك
يارب تكون سنة سعيدة في عمر مديد سعيد
ماهى الرسائل مش بتوصل اوى لانها من غير بريد
بس خلاص هاغيره عقدونى يا استاذ احمد من الاسم
حلو الإسم ياريم
أوك كملى بيه وإن شاء الله بالتوفيق دايما
mohamed ghalia
محمد ازيك
ميرسي يامحمد انا كنت قربت اكره الرسائل كلها لان الاسم مش عجب كتير
وبصراحة انا بردو مش كنت مقتنعة اوى بيه
منورنى يا محمد
ربنا يخليكى ليه
ولا يحرمنى من حبك ولا حنيه قلبك ابدا يا اجمل ام فى الدنيا
هجيب بنت شبه كنزى
ههههههههههههههههههههه
بجد يا ريم انتى انسانه طيبه واحساسك راقى جدا
ربنا يبارك ليكى فى اولادك وزوجك وبيتك
ريم أنامديقة علشان مدخلتش على مدونتي بجد نفسي تدخلي
اية دا كلو اية دا كلو
بئا اغيب يومين تغيري البيت وتعزلي
ماشي ماشي
رسائل بلا بريد
جوابات من غير طوابع
عربية من غير موتور
الزمن دة خلص خلاص
احنا في زمن الايميل
سميها ايميل من غير سايت
ال جوابات من غير بوسطجي ال
طب وبتوع معهد البريد يصيعوا يعني
اية الافترا بتاعكوا دة
جميل ياريم النغيير حلو برضه
وياريت تعملى تغيير كمان لقالب المدونة
عارفة التغييرات ديه حتخليكى
فى حالة نشاط وبهجة ومش حتزهقى ابدا
بعد كده
تحياتى
اولا حمد الله على السلامة
ثانيا الاسم ممتاز اتكلى على الله
ثالثا لو شقتك فيها نفس اوعى توضبيها لانك نفسك انت اللى حينقطع
حنين القلب
ازيك يا حبيبة قلبي
والبيبي اخباره ايه
يا حنين انتى اختى وربنا يعلم انا فرحانه لكى اد ايه
وميرسي ياقمر على كلامك الحلو
وان شاء الله بنوتك تكون احلى من كنزى ومن كل البنوتات اللى في الدنيا
ربنا يتمم لك على خير يارب ويقومك بالسلامة
ranim
يا حبيبة قلبي انا اسفة جدا جدا انى مش دخلت عندك
ولكى حق تدايقى وتزعلى منى انا بس كنت فعلا مشغولة ومش بدخل حتى مدونتى
وانا حالا حالا هادخل عندك ومش هتأخر تانى في زيارتك
ومش تزعلى منى يا قمر
مصرى جدا
انت مش عاجبك كدا اى حاجة دايما
وبعدين مش انت اللى مشيت واتأخرت
طيب كنت تبقا موجود علشان اخد رأيك
عموما انا خلاص اتعقدت من الاسم دا وهاغيره بس الاسم اللى اختاره لازم لازم تقولى انه حلو حتى لو مش عاجبك
حمد لله على السلامة يا باشا
ام مالك
ازيك يا ام مالك وحشانى جدا جدا
عندك حق التغيير فعلا مهم وبيدى حماس اكتر
بس انا مش بعرف اوى في تغيير القالب بتاع المدونة اول ما اعرف هاعمله ان شاء الله
حنعيش يعنى حنعيش
ياه اخيرا يا دكتور حد عجبه الاسم
رفعت معنوياتى والله
طيب يعنى ايه مش اعمل الشقة بجد
والله هو فعلا يا دكتور شئ متعب جدا بس احيانا بيكون التغيير مطلوب زى التغيير في المدونة كدا
نورتنى يا دكتور والله
السلام عليكم
حمدلله على السلامة
بخصوص الاسم
ياريت تخليه زي ما هو احسن
بدون تغيير
ريم انتي هتيجي يوم ٨/٨ الأزهر برككك ؟؟؟؟؟؟؟؟؟؟؟؟؟؟؟؟؟
ايه ده هو انتي كمان كنتي مبلغه اختفاء زيي؟ انا كنت فاكر اني الوحيد:)
عموما حمد لله على العوده انتي من الناس الي بستمتع بالقرأة لهم :)
تحياتي .......
ذو الوجه المبتسم
وعليكم السلام ورحمة الله وبركاته
ازيك يا استاذ ناجى
تقصد اى اسم فيهم
الجديد ولا القديم
سلامى لاولادك العسولين
ranim
يا حبيبة قلبي انا هحاول اجى ان شاء الله
وهاقولك طبعا قبلها
انتى هاتروحى ؟
ضايع
الف حمد لله على سلامتك
نورتنا ونورت مدونتك وكل المدونات المجاورة والبعيدة كمان
يا سيدى ميرسي اوى وربنا يخليك على كلامك الحلو
بس مش مسموح انك تغيب تانى عن المدونة
نورت بجد ومبسوطة جدا لرجوعك
حمدلله على السلامة
ربنا يكرمك
anaaaaaaaaaaaaaaaa ahhhhhhh ta2rybannnnnnnnn w ya rab anty kaman tro7yyyyyyyyyyyyyyyy ya remmmmmmmmmmm nefsyyyyyyyy ashofakkkkkkkkkkkkkkkkkk mot motttttttttttttt
الخال العسول اوى احمد الصباغ
الله يسلمك يارب
انت نورت المدونة بجد
ranim
ياحبيبة قلبي انا اللى عاوزه اشوفك اكتر والله
بس انا مش عارفة هاقدر اجى ولا لأ
بنتى تعبانة شوية
عموما حتى لو مش جيت هاتصل وهاكلمكو ان شاء الله
انتى عسولة اوى يا رنيم
إرسال تعليق