الأربعاء، 29 سبتمبر 2010

عين العقل



كثيراً ما نعتقد خطأً أن قلوبنا أكثر شعوراً وأحساساً من عقولنا


.... ولكننا مخطئون

.... فالعقل يشعر أكثر من القلب أحياناً

بل في رأيي غالباً

والمواقف والشواهد كثيرة على ذلك

فكم من مرة أتى إلينا صديق أو محب وقدم إلينا كل قرابين الطاعة والولاء ... فأبي عقلك أن يصدقه ... وشعر بكذبه وخداعه ... ودفعك دفعاً للابتعاد .

فرفضت الانصياع لشعور عقلك وسمعت وسوسة قلبك ..أن إبق ... فما أدراك إنه مخادع ؟؟؟؟

ألم تر حلاوة قسماته ؟؟؟

وبراءة نظراته ؟؟؟

ألم تشعر بالصدق في نبرات صوته ؟؟؟

فلتخض التجربة معه


فتنصاع لوسوسته رغماً عنك ...


تاركاً عقلك ناظراً إليك في أسي ... متابعاً الموقف من بعيد


وتجرب ... فتندم ... وتعلم أن عقلك كان على حق فتركض إليه ... لتجلس أمامه جاثياً على ركبتيك ... طالباً الصفح والغفران ..

فيسامح بقلبه الكبير ... وتُفاجئُ بأن لِعقلك قلبٌ أكبر من قلوبنا ..


فكم أخطأنا ثم عدنا نــــــادمين فيسامحنا مربتاً على ظهورنا وماسحاً على رؤوسنا
كأمٍ تحنو على إبنها الشقيّ ذو الطباع السيئة


... لا تكلُ الأم من عطاء الحنان .... ولا يكلُ الإبن من ممارسة طباعه السيئة وأخطاءه الفادحة .



ألم يأن الأوان بعد أن نتبع قلوب عقولنا ؟؟؟؟؟؟

فللعقول قلوب تشعر بما لا تشعر به قلوبنا

ولها عيون ترى ما لا تراه عيوننا

عن نفسي ...

دائما ما أقول لمن أحب :

رأتك عيون عقلي قبل عيوني


(**ولست ممن يفضلون قول عيون قلبي .... لأن عيون القلوب كثيراً ما تخطئ ... وقلما تخطئُ عينُ العقل**) .

هناك 43 تعليقًا:

sony2000 يقول...

بجد عندك حق
ياريت بعد كدا نعملها
شكرا:)

فاتيما يقول...

يووووووه يا ريمو

مكنش حد غلب يا حبيبتى
و لو كانت كدا ببساطة مكنش حد اتألم و انضحك عليه

القلب ساحر ماهر
قادر يلقى عليكى بتعويذة تمنع عقلك من اختراق الحصار و عقبال ما مفعول السحر يروح يكون القلب انخدع و دفع التمن و دمتم

دا مقابل التعلم
و الخبرة
و النضج

و اللى يتخيل انه ممكن يحصل على كل هذه الأشياء المندرجة تحت بند الحكمة من غير ما يتعثر و يقع ف الحفر ...
يبقى حاجة من اتنين
يا على نياته قوى
يا محظوظ ابن محظوظة
يللى الأتنين سوا بقى

عارفة الحكمة بتاعة
لا تعبر الجسر حتى تصل اليه ؟
ازاى الواحد يوصل للفراسة ف البشر
قبل ان يختبرهم و يختبر نفسه معاهم اولاً ؟؟

القلب احيانا ..بيكون ذو حدس
و يدلك
تحسى من اول وهلة ان الشخص دا مش مريحك و متعرفيش ليه

و العقل احيانا ..بيكون دليل
بيحطلك خطوات مرسومة زى كتيب يمشى مع اى حد أى كان و أى كانت علاقتك بيه


الملخص عشان انا هرغى لحد الصبح

البوست روعة
و الأسلوب المكتوب بيه تحفة
و خصيمك النبى يا شيخة لتكتبى و تكتبى و تكتبى و متحرميناش من التدوينات الحلوة دى عشان اذا كان اهل الفيسبوك مكوشين عليكى خالص ..فأهل البلوجر ليهم فيكى نصيب و لو صغنونة برضو

بوسات و حضونات
كتيييييييييييير جداااااااااا
ليكى
و للبناااات
و لماما


حاولى تيجى اسكندرية لو ينفع
عارفة ان فيه مدرسة تانى يوم
بس يعنى فكرى كدا و لو تمشى بدرى شوية
نفسى اشوفك بجد


خالص حبى
يا اغلى م اللولى و الماس

мαησηα يقول...

فيسامح بقلبه الكبير ... وتُفاجئُ بأن لِعقلك قلبٌ أكبر من قلوبنا .

ياخرااااااااااشى يا مامتى ايه الجمال ده كله ؟

وخبيه عننا ده كله فين يا حبى

عجبنى اوى التعبير ده بجد ومعاكى حق فعلا اقنعتينى ان لعقولنا قلوب بجد تسلم اياديكى حبيبتى

انا مع فاتيما الهى يسترك ماتبطلى كتابة بقه ماشى

بحبك انا اوى

همسات دافئه يقول...

الله عليكي يا ريم بجد الله

صدقت قولا عقلا وقلبا

لــــ زهــــــراء ــــولا يقول...

ريـــم

يا هلا بعد الغياب ..


يقال ان القلب المؤمن هو دليله ورغم انى من هواة تصديق العقل فى كل حاجه لكن ساعات باحس ان فى حاجات القلب بيشوفها ويحس بها وللاسف العقل مش قادر يحكم عليها

فى مره قرات جمله بتقول مش صدفه ان العقل فوق والقلب تحت ...

فعلا يمكن الجمله دى وجدت هوى فى نفسى لان دور العقل اكبر من دور القلب وممكن اننا نسال ناس من اللى بتمشى ورا قلبها ونشوف حالهم او نسال ليه اكيد كل واحد فينا مره او مرتين او ربما اكتر مشى ورا قلبه وشاف النتيجه
دائما ما ديور صراع بين العقل والقلب ولكن الذى ينتصر فى النهايه هو الذى يستطيع السيطره علينا وعلى احلامنا وامالنا


ياريت نقدر نعمل كده بس محتاجين مجهووووود عاااااااااالى شويه وكمان تدريب للعقل وكمان للقلب

زهراء

adel يقول...
أزال المؤلف هذا التعليق.
!!! عارفة ... مش عارف ليه يقول...

الله ينور عليكي

البوست ده بليغ جداااااااااا

ويقطر حكمة من بين أحرفه

بين ثناياه تجربة حياه



خالص تحياتي
وليد الزهيري

خواطر شابة يقول...

صح احيانا توجد حاسة سادسة لا تفسير لها ولا مبرر سميها صوت العقل ان شئت تجعلك لاترتاحين لشخص وبعدها بوقت قد يطول او يقصر تكتشفين انك كنت على حق وهنا هناك حالتان اما ان تكوني ممن يستمعون لصوت العقل فتسلمين واما تبقين تبكين على اللبن المسكوب نادمة على عدم الاستماع له
دمت بكل الود

الجواز و سنينه يقول...

دائما ما تبعثين لنا رسائل بلا بريد
و دائما ما تكون رسائلك من الابهار اللى بيخلينا نقف عندها بعيون قلوبنا و عقولنا و كأنهم و لاول مره يتفقوا..فأتفقوا على كلامك
فهناك دائما خلاف شديد بينهم
اخشى مااخشاه ان تخدع عين قلبنا عين عقلنا
هناك اشياء تجتاحنا فنفقد فيها كل حواسنا
نمشى كالمسحورين مأثوريين و إن كانت عين العقل هى ملاذنا فماذا نفعل لو أثرت ضمن باقى ما اثر فينا
اثق انا فى عين و قلب عقلك فقد اختار لنا كلام يجلنا نفتش فى قلوبنا و عقولنا
لنكتشف متى كان العقل فينا صائب و متى قسى على قلوبنا بشده و آلمه حتى لو كان صائب

اسكندراني اوي يقول...

الرساله واضحه وصريحه تماما
بس للاسف كلنا احيانا بنكابر وما بنسمعش الكلام وبنرجع نندم
ساحاول ان اتبع النصيحه وياااارب بقى اسمع الكلام
وصلت الرساله ولكي جزيل الشكر على التوضيح

نور الدين (محمد الجيزاوى) يقول...

اهلا ريم
سعيد أن اقرأ كلمات بمثل هذا الهدر الصاخب والقوة الحكيمة
رائع نظمك كأنه حبات الرمان اجتمعت لتعلن عن جوهرة لها مذاق الحياة
عفوك ايتها الكريمة فأنا رجل اعرف للحرف سلطته وسطوته وحرفك اليوم تاج على رؤوس الاقلام

عين العقل وقلب العقل معانى نادرة عميقة
العقل عندما يصير له قلب نحصل على ذاك المعنى الذى نسميه الحكمة والقلب عندما يتحرك دون قناديل الفكر نقع فيما نسميه الحماقة
وأنت وضعت الحد الفاصل بينهما واضحاً جليا
البعض يظن أن الذى يعقل ويفكر هو امرؤ عاجز عن الحب وذاك خطأ كبير
لأن عقولنا حين تهوى فإن حبها لا يكون هوى بل إيمــــــــان

تحياتى لك ريم
...
نورالدين محمود

همس الاحباب يقول...

امممممممم كلام مظبوط ما اقدرش اقول حاجة عنه
بس بجد كلمات تنم عن حكمة وذكاء وخلاصة تجارب حكيم فيلسوف كماان
تحياتى

حنعيش يعنى حنعيش يقول...

هييييييييييييييييييييييه . ريم رجعت لارص المونه سالمه ,, وكمان بكلام كبير وعاقل ... تسلم ايدك

shimaa elkholy يقول...

اممممممممممم

البت دي بقت فيلسوفه من ورايا

جميله اوي يا ريم بجد هو ده بجد بجد عين العقل

وسيبك من نجاة بتاعة عيون القلب دي يا اختي :)

Remas يقول...

sony2000

ازيك يا سوني
عامله ايه ؟؟
ميرسي على وجودك

متوراااااانى ووحشااااانى

Remas يقول...

فاتيما

الاول انتش عامله ايه واخبارك ايه
يارب تكوني تمام وبخير دايما

صحيح كلامك
لو عملنا كدا يبقى مش هايكون في حد يتألم خالص

اهو بنحاول نكون كلنا محظوظين


وفعلا كتير بنحس اوى اوى بس بردو بنجرب ونكذب احساسنا وفي الاحر نعرف ان الاحساس الاول كان سليم تمااااااااااااما

اعتقد يا تيما صعب اجى اسكندرية

انتى عارفه مدارس البنات
ويارب تنبسطو هناك ويكون لقاء جميل بإذن الله تعالى


ميرسي ياقمر على كلامك الحلو
وحاضر يا توتة هاكون متواجدة هنا باستمرار ان شاء الله

وصلت بوساتك وحضوناتك يا حبيبتى
وكلهم بيبوسوكو وبيحضنوكي اوى اوى اوى

Remas يقول...

мαησηα

بنوتى الحلوة الامورة

ربنا يخليكى يارب يا منونتى على ذوقك وكلامك الحلو

ومبسوووووطة مووووت ان البوست عجبك يا قلبي

ولو انى عارفه انك علشان بتحبيني بتشوفي اى حاجة من ناحيتى حلوة

انا بحبك اوى اوى وانتى عارفه يا قلبي انا بحبك اد ايه

Remas يقول...

همسات دافئه

هيرااااااا تؤام روحى وحبيبة قلبي

بجد وجودك هنا مفرحنى جدااااااااا

حسيت المدونة كلها متغيرة ومبسوطة ومشرقة بوجودك وكأنها بتعبر عن لسان حالي

ربنا يخليكى ليا يا رب ومش يحرمنى ابدا منك ولا من وجودك معايا وجنبي

Remas يقول...

لـــولا وزهـــراء

زهراء
ازيك حبيبتى

عجبتنى انا كمان اوي اوي مقولة ان مكان العقل الاعلى من القلب ليس صدفة
وانه لابد لحكمة في ذلك

وفعلا زى ما قلتي تطبيق ذلك محتاج مجهود عالى جدااااااااااااا

ميرسي لترحيبك الجميل
وميرسي لوجودك عندي ياقمر

Remas يقول...

!!! عارفة ... مش عارف ليه

استاذ وليد

اهلا وسهلا بيك

انا اللى مش عارفه اقول لحضرتك ايه على الكومنت بتاعك

ربنا يخليك يارب

معجبة انا جدا بتعبير حضرتك

*** بين ثناياه تجربة حياة ***

تعبير راااائع ولو انه اكبر كثيرا من البوست وما فيه

نورتني استاذ وليد

Remas يقول...

خواطر شابة

اهلا ببنت المغرب الحبيبة

صح جداااااا ما قلته عن صوت العقل

عامله ايه يا خواطر واخبارك ايه

وحشانى جدا جدااااا

ومنوراني جدا جدا

P A S H A يقول...
أزال المؤلف هذا التعليق.
P A S H A يقول...

عين العقل
:)
ده تعليق مبدئي على ما استطعم حلاوة البوست الجميل ده
تحياااااااتي

Remas يقول...

الجواز و سنينه

كل الكلام الجامد والكبير دا ليا انا ؟؟

بجد ميرسي يا توتة اوى اوى

منذ البداية لو انصتنا صوت العقل ذو القلب الكبير لما تألمت قلوبنا

وعيون القلب تخدع عيوننا نحن ولكنها ابدا لاتخدع عين العقل فينا

فالوحيدة اليقظة دائما وابداص هي عين العقل

جنبك الله دائما خداع القلوب

نورتيني يا قلبي

Remas يقول...

اسكندراني اوي

يا هلا بأهل الاسكندرية
وأهلا بهواء البحر ونسماته

لا يا فندم انا اعرف حضرتك كويس
وأعلم جيدا رجاحة عقلك وصواب عين العقل فيك

مش محتاج خالص لرسائل بلا بريد لتذكيرك
ربنا يكرمك يارب
ومبسوطة جدا بوجودك في مدونتي المتواضعة

Remas يقول...

نور الدين

اهلا بك نور الدين
الصديق العزيز وصاحب الرأي الرشيد والعقل الكبير

ولانى أعلم جيداً انك رجل تعرف سلطة وسطوة الحروف
فقد اسعدني رأيك جداااا

رأي من هو مثلك تاج على رأسي افتخر به

وأنا معك تماما في ان الذي يعقل ويفكر هو من يحصل على حب أبقى وأصدق


*** لأن عقولنا حين تهوى فإن حبها لا يكون هوى بل إيمــــــــان ***

هذه الجملة من أجمل ما سمعت وما قرأت

اشكرك اخي وصديقي على رأيك وعلى وجودك

نور الدين ... نورتني

خواطر شابة يقول...

عزيزتي انتظر منك زيارة لمدونة ليالي مصرية

خواطر شابة يقول...

دورك في الكتابة وسأكون سعيدة جدا لو شاركت مستنياك

Remas يقول...

همس الاحباب

اهلا بابو الزهرتين الحلوين همس وشابي

يارب يكونو دائما بكل الخير

والله رأي حضرتك كتير عليا اوي

ميرسي جدا جدا

Remas يقول...

حنعيش يعنى حنعيش

ربنا يخليك يارب يا دكتور

وبجد انا عارفه انى تعبت حضرتك كتير لحد ما رجعت المدونة

بس قلت بعد اخر نداء خلاص لازم ارجع

ميرسي لعدم يأسك مني وتشجعيك الدائم ليا

تحياتى وشكري العميق لك يا فندم

Remas يقول...

ندى الياسمين

فيلسوفة مرة واحدة يا ندى ؟؟

وبعدين ياتوتة هو حد يقدر يعمل حاجة من وراك ياقمر ؟؟

وانا سايباني من نجاة خالص اهو

بسمع ام كلثوم

تنفع ؟؟؟

مبسوطة اوى بوجودك ياقمر

منوراااااانى

خواطر شابة يقول...

الو الو حول هل تسمعني

شهرزاد الحكايات يقول...

موضوع جميل جداً ..

ولكن أعتقد أن الأذن تعشق قبل العين أحيانا ثم بعد الأذن العين وبعدها تحدث الصدمة الأولى في القلب .. وبعدها يأتي دور العقل لتأكيد ما جعل القلب يخفق للحب.

أحــوال الهـوي يقول...

العقل له بصيرة وفطنه
و القلب له هوي وجموح

كل البشر لديهم نفس محتوي الادوات و لكن تختلف مهارتنا فيها فمن يملك مهارة القلب بهواه و جموحه يسعد بها و يسايسها ثم يأنس بها
وهناك ضليع بادوات العقل فطنته و الاعيبه
سيدتي لندع كل يستخدم ماهو ماهر به فليس كل الحب سواء ولا المحبين سواء

وقد يألب العقل حبا و من الممكن ان يفسد هوي القلب غراما

لا قاعده ثابته
و متعة الحب بعثراته و انتصاراته
كلماتك رائعه و اسلوبك ممتعك ووجهة نظرك ذكيه ولا خلاف بين الاصدقاء

تحياتي

Tamer Moghazy يقول...

ريييييييم...
مش ممكن اللي انت كتبتيه ده..؟؟
انا كتبته من 10 سنين بس ةمحدش قراه غيري..!!
بس كان على هيئة مركب و2 بيقودوها..
واحد عاطفي مش بيفكر..
والتاني هاديء وراسخ..متأني..
وقد ايه كل مرة القائد العاطفي بيبقى مكسوووف قدام القائد العاقل في كل مرة بيغلط فيها.. وكل مرة بيسامحه فيها...!!!

تحية كبييييرة بجد يا ريم :)

Ranim Ayman يقول...

اسفه علي التأخير بس بجد مكنش باين عندي خالص انك كتبتي بوست جديد
وحشتيني اووووي بجد
اما عن البوست بجد الكلام صح عارفه خلتيني اشوف الموضوع من ناحية تانية فعلا معاكي حق
بس يمكن ساعتها مش بنقدر نتحكم في انفسنا وبنسمع كلام قلبنا يمكن علشان هو عارف ازاي يقنعنا


تحياتي بجد وبجد عاوزة اشووووووفك بقي

اللى موش عارف يتغير يقول...

فعلا رسائل بلا بريد
إ يميل
اهلا بيك من زمان مدخلتش هنا

كلمات من نور يقول...

تسلم الايادي يا ريموووو ......فعلا للعقل والقلب مغامرات وسجل تاريخي حافل ولكننا دوما نتبع قلوبنا ثم نقول : ليتنا .....تحياتي

غير معرف يقول...

الله يا ريما
جميل البوست اوى
عندك حق
بوست رائع
وراقنى كثيراا
تسلم ايدك يا قمر
تقبلى مرورى الاول
تحياتى

سابرينا يقول...

صح جدا بس المشكلة أكتشافنا المتأخر لده !لأننا أتربينا طول عمرنا واتعملنا ان القلب هو اللي بيختص بالشعور والأحساس مع ان العقل أقوي بكتييير لانه بيجمع الأثنان

♥ سحر ♥ يقول...

جعل الله لكم ..
فجر يوم عرفه نوراً
و ظهره سروراً
وعصره استبشاراً
ومغربه غفراناً
وجعل لك دعوة لاترد ..
ووهبك رزقاً لايعد ..
وفتح لك باباً غلى الجنة لايسد
و ..
وكل عام وأنتم بخير وبصحة وبسلامة

همسات دافئه يقول...

الله الله يا ريماستي الحلوه
هل تعلمين بأنك تشرحين نظريه علميه وهي ان الحب فعلا يتشا من العقل الذي يعطي الأمر للقلب ان يخفق بالحب
بجد عجبني كتير البوست ولمساتك الملائكيه بين السطور وتعبيراتك الرقيقه
سلم قلمك ودام قلما حبره ماس

سندباد يقول...

سعيد جدا بمروري الاول لمدونتك الراقية اعجبني كثيرا رقة المدونة واهتمامك بكافة التفاصيل
فكرة البوست رائعة جدا وقد قال قديما احد الفلاسفة تكلم حتي اراك
وفعلا الحب من اول مناقشة افضل وابقي من اول نظرة او احساس
احسنتي جدا وتقبلي مروري ومتابعتي الدائمة لمدونتك
تقديري واحترامي