مش عارفه اكتب اى حاجة حاسه انى حد مقيد مش قادر يعمل حاجة
حتى البوست دا كنت مش هاعمله وبقول
هو انا لما اعمل بوست اقول انه حدادا على خالد الله يرحمه كدا هابئا عملت حاجة بجد؟؟
كدا حقه هايرجع ؟؟
كدا حسرة قلب مامته عليه هاتقل ؟؟؟
كدا هاتنسى مامته صورته اللى في كل مكان وهو مشوه وملامحه متغيرة تماما ؟؟؟
لو عملت البوست دا اللى قتلو خالد هايحسو ويفوقوا ويعترفو مثلا ؟؟؟
.
وبعدين لئيت انى بعد كل دا مش هعرف اعمل اى حاجة بردو غير البوست دا
.
الله يرحمك يا خالد ويسكنك فسيح جناته
حقك عند ربنا مش هايضيع
ربنا يصبر مامتك
وربنا يصبرنى على احساسي بالعجز والجبن ..
هناك 10 تعليقات:
ممممممممممممممممممممم
ايه بس يا ست الحاجه
الواد وأمه لهم الله
أنتي ايه حشرك
دي حاجه غريبه عجيبه مريبه رهيبه
وبعدين مانونا تشهيصك بورد وفل وريحان وأنتي قالبه المدونه تعازي!!!!!!!!!!!
هوا أيه النوظام
يا ست أم بسطويسي
يا رقيقة الرقيقات
جايز بيتهيألك
انك مبتعمليش حاجة يا ريم
و انك مقيدة
بس لأ
مظنش
تفتكرى مامت خالد
و اخواته
و اهله
و اصدقاء عمره
و جيرانه
و زمايله ف الجامعة
و الشغل
مبفتحوش النت كل يوم
كل يوم
و يشوفوا خالد لسه حى
ف قلوب الناس و لا إتنسى ؟!!
اللى اتعمل
النهاردة ف المدونات
احياء لقصة خالد
و قضيته
و مطالبة بحقه
مش بيقولوا
ما ضاع حق وراءه مطالب
اللى بينكتب كل يوم
ف الجرايد و المدونات
لحد الحق ما يترد لصاحبه ...
اعتبره انا نوع من المطالبة
محدش هيطالبك تكونى
اديبة تحكى المأساة
و لا زعيمة تلهبى الحماسة
و لا وكيل نيابة تحققى
ولا قاضى تحكمى بعدل
و لا أى حاجة فى دول
مينفعش تحملى نفسك
اكتر من طاقتها
لكن كفاية قوى
انك تكونى انسانة
كفاية كتبتى
بقلب ام
و احساس اخت
دا
مش بسيط
و مش عند ناس كتير
و سبحان الله
خالد صحى الموات ف القلوب
عشان مظلوم بجد
و لو ان ايدينا مغلولة للأسف
فقلوبنا حرة محدش حابسها
و لساننا كمان يكفيه
يردد
حسبى الله و نعم الوكيل
فيمن ظلموك يا خالد
خالص ودى
ليكى
يا حبيبتى
التشويه بسبب التشريح .. انها الحقيقة
حسبى الله و نعم الوكيل
عطشان وانا الاعتصام ده عمى وده خالى
ربنا يرحمه يارب ويصبر اهله على فراقه وينتقم من اللى عملوا فيه كده
مشاعر من الحزن و العجز وقلة الحيرة
لن تصل الي الحقيقه ولن ترجع ما راح
ولكنها قد تشفي الغليل و تصبح صرخه قد تفيق الظالم و تهدهد علي النفس للثائرة
ليس هذا بغريب على بنات مصر وولادها الجدعان
تحياتي
حسن أرابيسك
إرسال تعليق