الثلاثاء، 9 فبراير 2010

انواع الحب الثمانية




هناك من يحبك بجنون ويسعى جاهداً لإصابتك بهذا الجنون ولا يستوعب رفضك لمشاعره بهذه السهولة فيحاصرك بسيل من المشاعر الغير مرغوبة ويمارس عليك الغيره غير المباحة فيكتفي بحبه لك ويحملك جميل هذا الحب ويجب لزاماً عليك أن تحبه وإلا نعتك بصفات مرفوضة إنسانياً


النوع الثاني
________


هو من تحبه أنت بجنون فيكون مصيبتك العظمى حين يدرك حجم هذا الجنون فيتفنن في إيذائك وكأنه ينتقم منك لأنك أحببته فيتمادى في إيذائك ليذيقك مرارة حبك وافتقاده ويتمادى في الهجر والصد .






النوع الرابع

___________


هو من تحبه أنت وتبادله شعوره فيضمك إلى ممتلكاته بإسم الحب يحاصرك بغيرته فيسجنك بدائرة الممنوعات يحبس عليك أنفاسك يحاسبك على أحلامك ويسلبك حتى أبسط حقوقك وهي التعبير عن شعورك تجاه الآخرين فتعيش في صراع دائم .

النوع الخامس

_____________


هو من يغادر حياتك فيترك ورائه فراغاً باتساع السماء فتحاولجاهدا ملئ الفراغ فتتعرف على من يستحق ومن لا يستحق وتقع في المشاكل .

النوع السادس

__________________



.النوع السابع

____________


هو من يطيل الإنتظار أمام بوابة أحلامك ؛ وإذا سمحت له بالدخول خرب في مدينة أحلامك وشوه أجمل الأشياء بقلبك وتركك نادماً على معرفته


النوع الثامن

___________________



هو من يدخل حياتك بلا إستئذان ، يقدم لك الحب فوق أوراق الورد ، يحملك الي عالم الأحلام ، يحول حياتك إلى عالم الخرافات والأساطير ، يشعرك بمسؤليته تجاهك وأنك مسؤول منه ، يعلمك الصدق والحب والإخلاص ، يحول سوادك إلى بياض ؛ وليلك إلى نهار ؛ وظلمتك إلى شمس ، يصبح قلبك الذي تعشق به ،، وعينك التي ترى بهما ،، هذا الإنسان إذا ضاع بحق نبكي بحرقة


ايميل وصلنى وحبيت تشاركونى بأرائكم في الكلام دا

هناك 68 تعليقًا:

غير معرف يقول...

اووووووووووول تعليق

غير معرف يقول...

حلو

وكمان التانى

غير معرف يقول...

اروح اقرا واجى لك

غير معرف يقول...

امممممممممم

بيتهيالى الحب له تعريف واحد ونوع واحد

الحب هو الاحترام قبل اى حاجة بمعنى الاحترام لاحلام الطرف التانى وطموحاته
احترام لمشاعره
احترام لحقوقه كانثى او كرجل
ومش احترام بس ومعاه التضحية بمعنى انك تبقى مستعد تضحى بحياتك عشانك ولو عندك اغلى منها برده يبقى مستعد يضحى بيها لانه مدام دخل حياته بقى كل حياته واغلى منها كمان
الحب يعنى الحياة والسعادة والفرح والاستقرار والامان والفخر والثقة
الحب يعنى الغيرة برده بس الغيرة اللى تحسس الطرف التانى بالحب
الحب يعنى الحماية والطاعة

الحب ده شوية حاجات جوه بعضها كده مينفعش تتقسم ولا ناخد منها جزء ونسيب التانى

وغير كده عمره ما يبقى حب مفيش حاجة اسمها مثلا حب انانى ولا حب امتلاك لان الانواع دى كلها عمرها ما كانت بتحمل جواها معنى الحب


معلش بقى طولت عليكى
ويارب تكونى فهمتى منى حاجة :D

غير معرف يقول...

وابقى طمنينى عليكى وعلى اخبارك

سلام يا جميل

الجواز و سنينه يقول...

عجبتنى اوى انواع الحب دى
فعلا الانواع دى بنلاقيها و كتير
المهم ان الحب اللى نقع فيه هو الحب اللى يكون من الطرفين
علشان انا مش مؤمنه بمقوله خد اللى بيحبك و ما تاخدش اللى انت بتحبه
لان فى الحالتين مش هايكون احساس الحب مكتمل
لازم يكون الاحساس موجود فى الطرفين

صوت من مصر يقول...

النوع التاسع هو يكبر دماغه وينفض

Baskouta يقول...

وماذا لو ان هناك من يدخل حياتك بلا إستئذان ، يقدم لك الحب فوق أوراق الورد ، يحملك الي عالم الأحلام ، وتحبه انت بصدق واخلاص ، يحول سوادك إلى بياض ؛ وليلك إلى نهار ؛ وظلمتك إلى شمس ، يصبح قلبك الذي تعشق به ،، وعينك التي ترى بهما.... ثم يغادر حياتك فجأة ودون سابق انذار فيترك ورائه فراغاً باتساع السماء؟؟؟؟؟؟ ماذا يفعل قلب شعر بهذا الحب
تحياتي البسكوتية

أحــوال الهـوي يقول...

انواع سامه
و انواع مؤذيه
و نوعيات ساديه
حتي النوع الثالث اللي انا كنت منهم زمان و خفيت برضه نوع مرضي



مين اللي عامل الانواع دي؟؟؟
الحب ابسط من كده
عطاء و ايثار و امان متبادل
اذا كان غير ذلك فقلته احسن
النوع الثامن قد يكون الاقرب و لكن تبادل المشاعر من الطرفين هو الاولي


تحياتي

محمد فؤاد (صاحب عمود النور) يقول...

تحليل حلو قوووى لانواع الحب

اعتقد ان احلى نوع هوالثامن ولكنه مازال فى عالم الاساطير ...لن نجده على ارض الواقع ولكنه فى الخيال يجرى ويمرح داخله

موضوع حلو قوووى

صيدلانيه طالعه نازله يقول...

هو من تحبه أنت وتبادله شعوره فيضمك إلى ممتلكاته بإسم الحب يحاصرك بغيرته فيسجنك بدائرة الممنوعات يحبس عليك أنفاسك يحاسبك على أحلامك ويسلبك حتى أبسط حقوقك وهي التعبير عن شعورك تجاه الآخرين فتعيش في صراع دائم .

النوع ده اسوأ انواع الحب لانه حب مسيطر انانى بيحاول يلغى الطرف التانى و يسلبه شخصيته

النوع التامن هو طموح كل البشر و ده اللى كلنا بنعيش و نموت و احنا بندور عليه و يا بخته و هناه اللى يلاقيه و يا تعاسته اللى يضيع منه

ebn roshd 777 يقول...

بالرغم ان كل النواع دي موجوده
بالحياه الا انني معجب اوي بالنوع الثالث من الحب
فاقسي ما يمكن ان يتعرض له انسان ان يصدم في مشاعره
وبالرغم انني وقعت احيانا في شرك الحب من طرف واحد الا انني اعتبره نوع من انواع الهبل
وشكل من اشكال الجنون التي لم يتوصلوا لكيفيه علاجها حتي الان
صباحك كله خير وسعاده باذن الله

شمس النهار يقول...

صباااااااح الحب


شوفي طالما مكتوب شمس خلاص
البوست والميل زي الفل
::))

بالنسبة للبوست
ارجع واقول الحب الصح الحقيقي
مافيهوش عذاب

يابخته اللي يلاقي الحب الصح

سلامي

فاتيما يقول...

ازيك يا ريموووو
و ازى القمرات العسولات

حلوة قوى
التصنيفات دى

و غالبا كلنا محاطين
بكافة الأشكال دى
سواء كلهم مرة واحدة
او متفرقين
و على فترات


كل ما أقرى واحد يتجسدلى
اشخاص معينين فى ذهنى فورا

سبحان الله

على فكرة
انا أزعم و اتصور
إنك اكيد و بلا شك
من النوع الاخير
و عشان كدا قلبك رغم كل اللى بتشوفيه غرقان حب و رقة
و اللى بيخسرك بيندم أشد الندم
لأنه اتدلع قوى و مكنش واخد باله

و على فكرة كمان
انتى وحشتينى

صبرني يارب يقول...

تصدقى انا برضه قاعده اقول ايه ده البت ريم بقت رومانسيه اخر حاجه كده ليه

يكونش ده تاثير القصه بتاعتي

وعماله تفصص فى الحب كده وبتاع

طيب الحمد لله طلعتي مش انتى الى كاتباه
ههههههههههههههه

بس جميل يا ريم والله انا شايفه انه حقيقى فى اغلب الاحوال

هاتي بوسه بقى

Remas يقول...

star in the sky

يا اهلا بالقمر منورة والله

انا فاهماكى جدا ومعاكى جدا جدا في ان الحب شويه حاجات متداخلة كتييير اوى وفي الاخر بيعملو الحب

بس في ناس بتحب حب امتلاك فعلا وفي ناس انانية في حبها ودا موجود هو طبعا مش حب سلم وصحى بس موجود

وبعدين ياقمر انتى تطولى براحتك خاااااااالص
المدونة كلها بتاعتك

وانتى كمان طمنينى عليكى دايما

Remas يقول...

الجواز و سنينه

صح اوى لازم يكون الحب من الطرفين

وانا كمان اول ما شفت الايميل لئيت فعلا الانواع دى موجودة علشان كدا حبيت تشاركونى فيه

مبسوطة اوى ان الموضوع عجبك ومبسوطة جدا انك منورانى

Remas يقول...

صوت من مصر

ههههههههههههههه

تصدق بردو فكرة يكون في النوع التاسع دا

على الاقل نرتاح

نورتنى

عاشقه الرومانسيه يقول...

النوع الاول
مش صادفته فى حياتى والحمد لله

النوع التانى
ممكن اكون مريت بالنوع ده من الحب مع واحده صاحبتى خلتنى حرمت وتوبت الى الله وقلت مفيش اصحاب بعد كده احبهم بالشكل ده تااااانى

النوع التالت
لواتوجد فى حياتى فاكيد مش هاكون حسيت بيه لانه حب فى صمت وابتعد فى صمت

النوع الرابع
ييييييييي
النوع ده كان خطيبى بتفكرينى لييه بس؟؟؟؟؟

النوع الخامس
بابا الله يرحمه

النوع السادس
واحده صاحبتى برضه
هههههههههههههه
انا فى اخر التعليق هايطلع عندى عُقده من الصحاب

النوع السابع
قابلته للاسف

النوع الثامن
اوعدنااااااااا يااااارب

adel يقول...

هو التنصينفات حلوة

بس الاحلي كنت اسالي الناس
انت جربت كام صنف من دوووووول :):)

نياهاهاهاهاهاها
شورير انا

Remas يقول...

Baskouta

ازيك يا حبيبة قلبي

وحشانى اوى

من شعر بهذا الحب يحمد ربنا كل يوم مليون مره انه وجد هذا الحب اللى نادرا ما يوجد

وطبعا يكون من الطرفين

الله دا اكيد حد ربنا بيحبه وراضي عنه اللى يلاقي الحب دا

عارفه تحياتك البسكوتية دى ارق تحيات والله

Remas يقول...

أحــوال الهـوي

يادكتور النوع التالت دا بتاع الناس الحساسة اوى اللى بتخا تفقد الحبيب لو صارحته وطلعت مشاعره مش معاه
علشان كدا بيفضل يبئا جنبه وخلاص من غير ما يصرح بحبه

انا معاك ان الحب ابسط وانه حاجة كدا بتيجى فجأة ومن غير حسابات

منورنى يادكتور

Remas يقول...

محمد فؤاد (صاحب عمود النور)

ازيك يا محمد

عامل ايه

هو النوع الثامن دا صعب اوى تلاقيه

بس ممكن مش مستحيل

وانت عارف رأيي في الموضوع دا

منورنى يا صاحب عمرد النور كله

Remas يقول...

صيدلانيه طالعه نازله

متفقة معاكى مليون في المية بالنسبة لاسوأ انواع الحب

بس الثامن ممكن نلاقيه وهافضل اقول كدا

اصل انا متفائلة شويه بطبعى

حتى المستحيلات بيكون عندى امل في وجودها

وحشانى اوى بجد

Remas يقول...

ebn roshd 777

مساء الفل والخير يا استاذنا

لسا كنت بقول في ردى على دكتوراحوال الهوى

ان النوع الثالث دا بيكون صاحبه حساس اوى وبيخاف من انه يتصدم ويخسر الحبيب وبيفضل قربه على البوح بحبه

الحب من طرف واحد مش بايد حد حتى لو نوع من الهبل زى ما حضرتك قلت وفعلا مش له علاج لسا


منورنى بتواجدك وتعليقك ويارب منورنى كدا دايما

Remas يقول...

شمس النهار

مساء الفل والحب والسعادة يا اجمل شموسة

طبعااااااااا طالما شمس موجودة يبئا كلام عسول ويجنن

اه والله يا شموسه يا بخته اللى يلاقي الحب دا

كل كلامك دايما عسول زيك

Baskouta يقول...

لما انا تحياتي البسكوتية رقيقة امال انتي كلك على بعضك ايه
ده انتي كل الرقة فيكي
انتي كمان وحشاني يا قمر
انا الحمد لله بخير طول ما حبايبي بخير
طمنيني عليكي يا حبيبتي البرد اخباراته ايه الوحش ده
يلا بقا خليه يمشي
خللي بالك من نفسك يا ريما يا قمراية
تحياتي البسكوتية الشوكولاتية البندقية

♥نبع الغرام♥♪≈ يقول...

وحشتينى يا قلبى
اخبارك ايه يارب تكونى بخير يارب


جميل اووى البوست رغم الفرق الكبير اللى بين كل حب فيهم وهو فى الاخر حب
انا بقا من خلال معلتى مع الناس عرفت انى قيمة الحب الحققى صعب تلاقيها بالزمن دا
مع الاعتذار لكلامك حبيبتى
ربنا يكرمك يارب
وابقى طمنينى عليكى
تحياتى
اموووووووووووووواه
ايناس

سمكه واحده يقول...

الحب ابسط من كده بكتيييييير
الحب عباره عن
واحد يحب واحده يقولها ايه؟
ياله يابت(.
هي : يوه علي فين ياواد
الله ياله بقلك يابت
هي : الله مقلنا علي فين ياواد
يادي الكسوف
وهووووب بس وخلصنا
ويقولها وابصم بالعشره خلاص بالشفا انا من دلوقتي ورايح مجنون بيك
لا بجد بقي
كل الانواع دي موجوده في حياتنا كلها

بس انا عن نفسي مفضلش اي واحده فيهم بس النوع التالت افضله
لان بحس فيه بالرقي والسمو كده وشويه عبط يعني رغم انه ممكن اوي يتحول لانه يبقي مرضي بس حسب شخصيه الانسان نفسه ومدي اداركه واستيعابه وقدرته علي السيطره والتفريق بين العادي والطبيعي واللي مش عادي و (عاجبني)
لاني مؤمنه بان المشاعر ملك الانسان نفسه مش مطالب ان حد يشاركه فيها
كمان في الحاله دي بيريح نفسه ويعيش كويس ومبسوط من غير اي مشاكل ومش بيستني مقابل من حد المهم انه عاش الاحساس نفسه
زي متقولي كده افلاطوني بريئ

وكمان افضل اوي بقي النوع الثامن ياسلاااااااام بس هو فين؟
بس اكيد موجود خلينا متفألين ونقول انه موجود ان شاء الله
يعني النوع التالت لو استحاله الارتباط والنهايه الطبيعيه للحب
يبقي (النوع التالت)

وافضل النوع الثامن
اللي نهيته تبقي طبيعيه وتنتهي بارتباط
واعتقد بدايته مش نهايته الارتباط ويكبر بعد كده يعني يبقي اعجاب وارتياح وبعد كده مع مرور السنين يتحول لحب وموده اللي هي اقوي من الحب
متهيقلي يعني

تحياتي

MaNoOoSh يقول...

فعلا كل الأنواع دي موجودة
وأحيانا أنواع منها بتندمج مع أنواع تانية

أجمل ما فى الحب
اننا نتأقلم مش نتعمي عن عيوب أحبابنا
وان تكون نيتنا طيبة وبنعبر عنها فى احترامنا للآخر وثقتنا فيه
وآخر حاجة اننا احنا والطرف الاخر نحافظ على الحب والأحترام والمودة اللى بيننا

Cute Kitty **sookra يقول...

اولا وحشانى جدا ياجميله انتى
ثانيا كلنا محاطين بكل الانواع دى ويمكن كمان نكون احنا منهم
وانا بقرا لقيتنى نوع منهم وموش عجبنى نفسى خالص
ههههههههههههه
اه والله بجد بس خلاص
مساكى شيكولاته

أبو العريف يقول...

ازيك يا ريم

فعلا الانواع دي موجوده

بس اعتقد فيه انواع تانيه كتير

ويمكن اغلبها مش حب اصلا

بوست جميل


تحياتي

Remas يقول...

فاتيما

ازيك يا قمراية

انا الحمد لله تمام والبنوتات كمان تمام بيسلمو عليكى كتيييييير اوى

عارفه انا كمان زيك وانا بقرا الايميل كنت بشوف كل نوع في شخصية معينة من اللى حوالينا ومن علاقات الناس اللى اعرفهم

اقول ايه بس على الكلام الحلو دا

ربنا يخليكى ياقمر
انتى يافاتيما من كتر حلاوة قلبك بتشوفي الناس كمان حلوين وانا شايفه انه يا بخته اللى يحب فاتيما يبئا ملك الدنيا كلها

انتى واحشاااااااااااااانى اااااااد كدا

شفتى بئا اد ايه واكتر والله من كدا

Remas يقول...

صبرني يارب

قبل اى حاجة ادى البوسه ياقمر

ايوا ياتوتة انا رومانسية والله
بس مش بعرف اكتب

هههههههههههههههههه

اقرا بس ايميلات

موجوده الانواع دى فعلا ودا اللى عجبنى في الايميل

امتى بئا هاتكلمى القصة ؟؟؟؟

Remas يقول...

عاشقه الرومانسيه

ازيك يادودو يا حبيبتى

عامله ايه ياقمر

يارب يادودو ربنا يوعدك بالنوع الثامن

وربنا يبعتلك حد عسول ويستاهل دودو بجد

طمنينى عليكى لانك وحشانى اوى

Remas يقول...

adel

مش شرير خالص خالص ياعادل

بالعكس انت دماغك حلوة

مش كنت اخد رأيك قبل ما اكتب البوست

طيب تصدق تبئا فكرة حلوة هافكر كدا ويمكن اخلى البوست الجاى فكرتك واقول للناس يقولو جربو كم نوع من الانواع دى

بس تفتكر كله هايقول ؟

Remas يقول...

Baskouta

طبعا تحياتك البسكوتية رقيقة وعسوله زيك بالظبط
ودا لاجدال فيه

انا الحمد لله احسن ياقمر

ربنا يخليكى ليا يارب

كمان بسكوتية شيكولاتيه بندقية دا كتير اوى عليا

Remas يقول...

إبتسامة ملاك

ازيك ياانوسه

انتى وحشانى اكتر ياقمر

عندك حق الحب اللى بجد مش موجود كتير بس بردو موجود مش مستحيل

مش بقولكم انا متفائلة دايما

طمنينى على مامتك عامله ايه دلوقتى

يارب يارب تكون احسن ياتوتة وربنا يخليها لكم يارب ويديها الصحة

Remas يقول...

سمكه واحده

يا هلا ياهلا معقول سمكة واحدة منورانى

ازيك يا جميل

النوع التالت انا قلت انى بحس صاحبه مرهف اوى وحساس اوى لدرجة انه بيخاف يعبر عن حبه

وعلى فكره في كتير بيحبو كدا ومش بيكون مرض خالص بس يمكن فاهمين اوى انه مش ينفع او مش عاوزين يكون في احتمال يخسرو الحبيب

وربنا يارب يديكى حب من النوع الثامن اللى بيدوم ان شاء الله

منوراااااااانى

Remas يقول...

MaNoOoSh

عاقلة يامنوووش والله

وكلامك دايما عسول زيك

عارفه الاحترام والثقة دى اهم حاجة في الحب لو كل حد احترم التانى هايبئا حب حلو اوى

Remas يقول...

sookra

انتى وحشانى اكتر يا سكراية انتى وحنونة العسوله

عارفه انا بحب فيكى اوى صراحتك

كلنا اكيد نوع من الانواع دى

انا بردو مرات مش بعجبنى في الحب

بوسى لى حنونة كتييييير

Remas يقول...

أبو العريف

انا الحمد لله تمام

ميرسي على سؤالك

انت اخبارك ايه واخبار الدنيا معاك ايه

فعلا اكيد في انواع كتير في ناس ممكن تسميها حب وناس تعترض على انها ممكن تبئا حب

ستيتة يقول...

انا شفت في الدنيا فعلا ناس من كل النوعيات دي
ياا بشكل مباشر او بشكل غير مباشر او عبر قصص المقربين

اللي التحليل عنده تحفة
النوع التالت
ورغم ان اغلب التعليقات شايفاه نوع من الجنون رغم انها وقعت فيه
لكن انا بسميه حب الحب ذاته
ان حد حياته بتكون جافة جدا
فيوجد حب خرافي يعلم بستحالتهويمكن مع الحب اللي جوا النفس ده ينجز شيء ما وخاصة لو أديب ويجب ان يجد إلهام وابتسام :)


اللي شفته برضه وكان مثال صعب قوي
النوع الخامس
حالة انعدام الوزن نتيجة لصدمة غير متوقعة
وبرضه ممكن تسبب مشاكل وممكن لأ


بصراحة كلهم تحليل اكثر من رائع ومينفعش ننقي منه
مفيش نقاوة
اللي ياخد الشوال ياخده على بعضه :)

مهموهة أحمد يقول...

ريــــــم .........
حبيبة قلبي واحشاني خالص و الله
و بجد مش عارفة لما بدخل مدونتك بحس بسعادة مش عارفة ليه ؟؟
يمكن لانك عسولة حبوبة بجد

شكرا على الانواع دي و بجد رهيبة و للاسف بقت كتير اوي
و للاسف اكتر ان الحب من النوع التامن بقى ناااااااااااااااادر جدا و الله

شكرا ليكي يا ريمون يا حبيبتي
و اتمنى حب من النوع التامن دايما يا رب

تقبلي خالص حبي و حبي ليكي يا قمر

عاشقه الرومانسيه يقول...

انا كويسه
انتى فين بقى؟
انتى اللى وحشانى اكتر ياريم
(:

(حلـم) يقول...

ريم الوفاء

كيفك انشالله بخير

وانشاللة شمعتك الحلوة بخير وبتذاكر كويس


اتمنى لكما حياة لا لغوا فيها ولا تاثيما

لان احساس ريم وطيبتها ووفائها يستحق الاجمل..

اما بالنسبة لانواع الحب؟

فاري النوعالثالث يندرج تحت عنوان حب من طرف واحد حب مثالي رمانسي واعتقد انة الاكثر شيوعا في عالمنا العربي وادبنا العربي ايضا انظري قيس وليلي قيس افندي ليلى معاش خبرة وخوتنا ع الفاضي ولما عرفت الحكاية حزنت على هذا الحب ان يكون في صدر انسان جبان

اما النوع الثامن ممكن ان نصفة حب حقيقي.. وانا مرة رويت بوست باسم الحب موجود في مدونتي حلم .




اماباقي الانواع ليس حب

هي مجرد امراض هزائم ضعف خذلان جبن هروب انتحار...الخ يعلق نفسة على مشاجب الحب والاخير منها براء

من يحب لايعرف الاذي او الكراهية او الانتقام حتي جدتي الله يرحمها كانت تقول اللي بحب بكرهش وانا مقتنع بكلامها


لكل ذلك فليكون شعارنا

الحب اقوى من الكراهية

فلا يكفي ان نعرفة في حدود اللغة وتجارب الاخرين..

وانما يجب ان نعيش اولا والا سنفقد محور رسالتنا في وثيقة الادمية

دمتى ودامت ايامك تنبض بالحب وتركض كما الريم في واحتة العطرة الثائرة

يعني علشان يكون في حب لازم نتفق على ان يكون محورة قضية مبدا مو كلام امفرفط عنقود عنب متماسك

مجرد وميض لوجة نظري لعجالة وهذا الموضع طالما الانسان يتنفس وهذا النوع يغمرة الثراء اكثر


طوبى لكي وللامورة الصغيرة

فتك بعافية بالمصري

انا حلم

غير معرف يقول...

تمانية؟

اشمعنى تمانية؟

الحب واحد بس

بس أطرافة بتحكم علية يا يكون مشوة ومبتور ومسخ

يا يكون حب كامل

وطبعا كامل هيروح القسم علشان حبة ضاع منة

وهبلغ عنك


مش انتي اللي أخدتية؟

Remas يقول...

ستوتة

ازيك ياقمر

انا معاكى جدا في موضوع النوع التالت وكان دا رأيي في ردى على التعليقات

كلامك كله حكم يا رئيستنا

الشوال كله على بعضه

Remas يقول...

الوفية للأبـــد -- مها أحمد

مهموهة انتى وحشاااااانى اكتر كتير

بتحسي بالسعادة لان اى مكان تكونى موجودة فيه لازم يكون فيه سعادة ياقمر
انا اللى بحس انك بجد دايما عسوله ومتفائلة ومبتسمة وبموت فيكى بجد

يارب دايما حبك يكون من النوع الثامن
وربنا يسعدك يا رب

Remas يقول...

عاشقه الرومانسيه

يارب دايما كويسة يادودو وفي صحة وسعادة

انا موجودة كنت بس تعبانة شويه

وانتى بجد وحشتينى اوى اوى

Remas يقول...

حلم

انا الحمد لله تمام انا وبنوتى

ميرسي اوى لسؤالك واهتمامك

اما بالنسبة للكلام على الحب وانواعه فانا لازم اسكت طالما تكلم ( حلم )

فلا احد يضاهى حلم في التعبير والكلام عن الحب

عجبتنى اوى فتك بعافية دى

ههههههههههههه

تصدق انا المصرية عمرى ما قلتها

منورنى يا حلم

Remas يقول...

مصري جدا

ايوا هما كدا ثمانية
انت لازم كدا تجادل في كل حاجة ومش عاجباك حاجة

انت عاوز تودينى القسم وخلاص

انا مالى ومال كامل

خلى قلبك ابيض بئا انا حتى عسوله وطيوبة ومش باخد حاجة من حد

منورنى بجد ياهانى باشا

عايش... ولكن !!!! يقول...

اختلف الناس فى تفسير الحب
ولكنه ابسط من ذلك
معتقدش ان ينفع يتقسم الى انواع
ولو هيتقسم يبقى الاطراف هيا اللى تتقسم
منهم اللى كداب ومنهم اللى لعبى شويه ومنهم ومنهم
تحياتى

just waiting يقول...

عندك حق في تصنيفك دا فعلا الانواع دي كلها موجودة في الحياة لو مش احنا قابلناهم اكيد اخرين قريبين منا قابلوهم

ENG./ELSAYED,PMP يقول...

مدام ريم :

ايه البوستات الجامدة دى

انا عاجبنى التعريف أو النوع الثالث

عارفة

فيه مشهد فى فيلم " عن العشق والهوى "

انا افتكرنه وانا بكتب او بقرى البوست ده


على فكرة فيلم عن العشق والهوى من اقوى الافلام العاطفية فى السينما المصرية


حتى اغنية الفيلم حكاية فكراها


كتير بنعشق ولا بنقول ... وكتير بنعشق ولا بنطول ... ومفيش حكاية بتستمر زى ما بدأت ليه على طول

فيه عشق بيستنانا ... وعشق بنستناه ... وعشق بينسينا ... العشق اللى عشقناه


اما عن المشهد فمش متذكره اووى

انما اللى فاكره

ان اللى يحب حد ... ميجرحوش

اللى يحب حد ... يضحى بعمره ... وميزعلوش


اللى يحب حد ...

وهكذا

مش قادر افتكر

كمان من اقوى المشاهد ... مشهد احمد السقا وهوه بيعمل ديليت لصور " عاليا " منى ذكى من على جهاز الكمبيوتر


طولت عليكى


بس هيه اساسا

سيرة الحب ... كده


سيد

ENG./ELSAYED,PMP يقول...

نسيت اعمل لينك ع البوست
سورى

الشعب لابد له من حكومه تشكمه يقول...

يانهارى دنا ترتيبى وحش اوى فى الفصل,57؟؟
خايبه خايبه انا:(

ازيييييييييك يارييييييييييييم وحشااااااااااااانى سلامتك من البرد ياجميل,

وايه الانواع دى,كلهم اسوء من بعض:(

بلاها حب نقضيها اخوه:))

اللى موش عارف يتغير يقول...

الكلام ده اللى قالوا مين
اعتقد ان نواع الحب 8000000 نوع
بتختلف باختلاف الاتنين والعلاقة بينهم
بس الـ 8 انواع دول مهمين جدا
فعلا لكل واحد منهجة موش فى الحياة بس وكمان فى الحب
موضوع جميل

hend mossallam يقول...

ازيك يا قمر
بجد البوست حلوو اوي :D :D

mostafa rayan يقول...

الحب هو الذي يخطف قلبي فاشعر ان لا حياه إلا مع هذا الشخص
هذا هو تعريفي للحب
ولك كل التحيه

هناء محمود يقول...

أكيد الثامن ده هو إللى فيهم كلهم

وأى حد يتمناه

momken يقول...
أزال المؤلف هذا التعليق.
Single Mummy يقول...

كل دى انوع حب والواحد مش واخد بالة دا احنا على كدة مش عايشين فى الدنيا!!!!!!!!!!!!!!!

أحمد عاطف يقول...

انا بصراحة ماعرفش الا نوع واحد

اللي هو نوع الذوبان كما يذوب السكر في الماء

فتختلط ارواحهم حتى يستحيل فصلها


حبيت امر واسلم بس

Baskouta يقول...

My Sweet Reem
My most beautiful Reema
I miss you sweetie & I wish I could see you again

Happy Valentine's Day to you and your Family
May love surrounds every one of your family ...May love be your companion all life long.

I wish you a lovely day ...Where the love of the world fly to the moon to bring some of its light , then back to your heart to enlighten it forever
I love you
Baskouta

(حلـم) يقول...

الاغنية حلوةةة كتير


وبحبها اكتر


احسنتي الاختيار

فتك بعافية

ذو الوجه المبتسم يقول...

طيب واللى بيمر بكل الانواع دي
نقول عنه ايه

ماهو بيحصل فعلا وبنمر بكل انواع الحب دي

ولا ايه رايك

قولى صح وابتسمي

تحياتى لك

القدر و انا يقول...

ريم
حبيبتى الغالية
وحشانى جدا جدا
اعذرينى وصلت متاخرة لسفرى الى الغردقة
كل عيد حب وانت بالف هنا وسرور
بوست جميل لا يوجد من لم ينكوى باحد بنوده
انا عن نفسى انكويت بالبند السابع
حمالك الله وحمى كل انثى من براثن حب مريض يحول فرحتهن الى ماساة محفورة لا تمحيها الايام