بنوتى الكبيرة اللى في برايمري 2 مش بتخبي عنى اى حاجة
متعودة انا وهى اننا نحكى لبعض دايما
من كم يوم رجعت من مدرستها واول ما دخلت قالتلى
مامى انا عاوزة اقولك على موضوع مهم
تعابير وشها كانت جادة للغاية لدرجة انى قلقت
قالتلى : عارفه مريم يا مامى ؟
مريم دى بنوتة معاها في الكلاس
قالتلى :
مريم بتحب عمر اللى معانا في الكلاس
طبعا انا حاولت بطريقة الحقيقة غبية جدا انى احول الموضوع عن نظرها
وقلتلها :
طبعا يا حبيبتى لازم مريم تحب عمر مش هو بردو زى اخوها وكلكم في المدرسة اخوات وبتحبو بعض
بصت لى نظرة مش ريحتنى
نظرة معناها انتى بتستهبلى يا مامى وفاهمنى
وقالت :
يا مامى بتحبه مش زى اخوها
بتحبه يعنى حب بتاع الكبار اللى عاوزين يتجوزو
وكملت كلامها وقالت :
بس مش دى المشكلة
المشكلة ان هو مش بيحبها خالص
وعلشان كدا يامامى مريم راحت تكلم ادم اللى بيحبها وهى بئا مش بتحبه
وتحمست اوى لما وصلت للنقطة دى وهى بتحكى وقالت لى :
يعنى يامامى راحت تكلم ادم ووقفت
معاه علشان تغيظ عمر ولما يشوفها مع ادم يحبها
طبعا انا كنت مذهولة ومزبهلة
وانا اساسا عندى حالة ال نعم .. ومش ناقصة
المهم بنوتى كملت وقالت لى :
انا يامامى مش عجبنى خالص اللى مريم بتعمله واتفقت مع سلمى ( سلمى دى انتيم بنتى ) اننا ننصح مريم
وكملت كلامها :
بصي يا مامى رحنا انا وسلمى لمريم وقلتلها يا مريم اللى بتعمليه دا غلط كدا البنات والولاد هايقولو انك بنت وحشة ومش مؤدبة
ولازم مش تكلمى عمر ولا ادم ولما تروحى الجامعة تحبى علشان الحب دا بتاع الكبار
وبصت لى وقالت لى : مش انا يامامى كلامى كدا صح ؟
قلتلها : صح طبعا يا حبيبتى
قالت لى : طيب يا مامى هو ليه بيقولو ان الحب دا عيب ؟
قلتلها : الحب مش عيب خالص بس لازم اللى يحب يكون كبير وعقله كبير وبيفكر صح والبنت لما تحب تحب واحد عارفه انها هايتجوزها
قالت لى :اه فهمت يا مامى
وفجأة لئيتها بتقول وكأنها افتكرت حاجة مهمة
بس اوعى يامامى تقولى لمامة مريم علشان حرام مامتها هاتضربها وانا وعدتها انى لما احكى لك مش هاتقولى لمامتها اصل هما عارفين ان انا بقولك على كل حاجة
قلتلها : طبعا مش هاقول دا سر بينى وبينك وانتى عارفه اسرارنا مش بتخرج برا ابدا
وانا مبسوطة اوى منك انك بتحكى لمامى كل حاجة
السؤال بئا اللى عاوزة منكم تجاوبونى عليه
هو بجد الاطفال بئو كدا ؟
هما في السن دا بيفكرو يحبو ويتحبو ؟ دول في ثانية ابتدائي يا جماعة يعنى 7 سنين
معقول بنوتة في السن دا تفكر تكلم واحد علشان تغيظ التانى وتخليه يغير
هو احنا مش كنا اطفال ولا ايه
هو انا تصرفي مع بنتى كدا صح ؟
انا بصراحة كلامها قلقنى وخلانى مش عارفه ارد عليها اوى لانى مش توقعت ابدا انهم في السن دا وبيفكرو كدا
حبيت احكى لكم واخد رأيكم واعرف في المواقف اللى زى دى بتتصرفو ازاى علشان ترشدوهم للتصرف السليم
هناك 87 تعليقًا:
اول تعليق
عاااااااااااااااااا
قلت احجز وبعدين ارغى
اولا موش عارفه لو مكانك كنت عملت ايه بس انا لسه موش بقيت مكانك
ثانيا
الاطفال بتوع اليومين دول اللى بيشوفوا الفضائيات وبيدخلوا النت وبيعملوا اللى احنا موش عملناه غير لما كبرنا اكيد هيبقوا فاهمين كل الحوارات دى
بس فيه نقطه ان مريم بعيد عن امها وموش مصحباها والدليل انها خايفه انها تعرف اصل تضربها
دا الغلط ودا برده اللى انتى بعدتى عنه لانك مصاحبه بنتك ودا هيخليكى تعرفى توجهيها صح
اما مريم فربنا يكون فى عونها لانها هتتخبط فى حياتها كتير عشان مافيش ام تطبطب وتحن عليها تسمع من غير ماتعاقب على احساس او تصرف لسه مريم بتعمله من غير فهم
هى مجرد انها بتقلد التليفزيون والافلام
اسكت اصل انا رغايه موت
وكمان زعلانه منك خالص
لالالالالالالالالالالا
ابدا انا مقموصه
لالالالالالالالالالا
موش هااصالحك ولاهااتصالح
ايووووووه عليكى بتعرفى تصالحينى خلاص موش زعلانه
وحشانى ياام كنزى
علي فكرة هو ده الصح منك
واه الاطفال كده
انا ممكن اصدمك ان اصغر منها بسنة بيبعتوا لبعض جوابات حب
وصدقيني مش بهرج نهائي !!!!
المشكلة ان دلوقتي في انفتاح زيادة عن اللزوم
من السن ده و اصغر بيقعدوا علي الدش و الكمبيوتر و النت (برضه بتكلم جد)
انا اعرف ولاد حد صاحب العيلة (ولادة صغيرين) بيتفرجوا علي الدش بكل قنواته لدرجة انهم حافظين الدش الاوربي (الهوت بيرد) بس عارفين اي قناة كده كده ممنوعة فمش بيفتحوها :)
بس مابقيا لقنوات بتعرش حاجات منيلة !!!!!
اكيد هيفهموا و يحاولوا يجربوا
ازيك يا ريم وحمد الله علي السلامه
بيتهيألي بنتك في 3 أداب انجلش صح علي مفتكر صح
احساس مريم اغلبنا في السن ده كلنا حسينا بيه بس كان حب من طرف واحد
يعني تحب وتكبت في نفسك تديها السندوتشات بتاعتك لو ضحكت الدنيا كلها ضحكت
انما مريم دي قادره !!!!
بتغيظ الواد مع وتحسسه بلغيره مع ادم
اما الواد عمر ده تقيل تقل اكيد طالعلي
مش عارف والله اقولك ايه
خللي بالك من بنتك وكملي علي كده وزودي الجرعه الدينيه
عشان هي دي الي هتنفعها في مستقبلها وعلميها ايه غلط وايه صح ايه حرام وايه حلال ووانتي بتصلي علميها الوضوء وخليها تصلي جمبك ومعاكي وكل ما تحببيها في ربنا ربنا هيحفظها
2 ابتدائي يا مريم يا بنت الذين ده انتي نصيبه
ريمـــــون حبيبتي ...
واحشاني يا قمر
هو انتي بتتكلمي عن بنوتة في 2 ابتدائي بجد ؟؟؟؟؟
بس على فكرة انا بطمنك و اقولك ما تقليش لان في السن ده و قبل كده كمان بتلاقي الاطفال و خصوصا البنات بوجه خاص بيحبوا يسالوا في الحاجات الخاصة بالمشاعر
و الدليل على كده ان البنت دايما بتلاقيها بتتعلق بباباها اكتر من مامتها او بتحبه اكتر بمعنى اخر لانها ........
ما اعرفش و الله بصراحة
بس بقيت بحسها كتير مع ناس اعرفهم
عموما انا بس عايزاكي تخلي بالك من بنتك
و تقربي منها بكل حب
علشان تبقوا اصحاب و تعرفي عنها كل حاجة و ما تقلقيش ده سن الاكتشافات و الله
ربنا يخليها ليكي يا رب و تفرحوا دايما باولادكم
مع خالص حبي ليكي يا ست الكل
سكرة حبيتى
لا مش ممكن تزعلى منى ابدا
انتى عارفه انتى ايه عندى
وانا مقصرة انا عارفه معاكى بس والله مش عارفه اليوم بيعدى ازاى من غير ما احس
كنت مشغولة في امتحانات كنزى وانا اصلى مجنونة شويه وبخاف اوى من الامتحانات
بس م اقدر على زعلك يا جميل خالص خااااااااالص وكداانا اللى زعلانة من نفسي
بس هاصالحك يعنى هاصالحك
بجد مش تزعلى منى ابدا
وبعدين المدونة مدونتك وترغي براحتك ياقمر
بوسات كتير ليكى ولحنونة
adel
والله انت عندك حق فعلا
انا يمكن لان ولادى كانو صغنونين كنت مش واخدة بالى اوى
بس حقيقي القنوات والتى في والكمبيوتر خلو الاطفال عارفين كل حاجة
انا يمكن بحاول دايما اكون عارفه بناتى بيشوفو ايه وباخد بالى كويس اوى من الموضوع دا
بس بجد ياعادل بيبعتو جوايات لبعض ؟
حلو اوى والله
منورنى يا عادل
هى وظروفها
ازيك يا وليد باشا
الله يسلمك يارب
هو انت تقيل كدا زى ادم ؟
الله يكون في عون سارة
انا الحمد لله بنتى بتصلى معايا دايما هى واختها الصغنونة
وبتحى لى على كل حاجة ودايما بديها ثقة انها تحكى لى ومش تخاف
وربنا يستر على بناتنا واولادنا
الوفية للأبـــد -- مها أحمد
ازيك ياتوتة
انتى وحشانى اكتر ياقمر
هو البنت دايما بتكون اقرب لباباها والولد اقرب لمامته يمكن دايما اختلاف النوع بيجذب
انا بعمل زى ما قلتى ياقمر ودايما بحاول اكون صاحبة بناتى
وربنا يخليكى ياقمر وميرسي
منورانى ياقلبي
ضحكتينى جدا والله
انا واحدة باست ابن اختى فى الحضانة وقالتله انا بحبك وعاوزة اتجوزك
والولد رجع حكالنا عليها وانا كنت متنحة مع انى كنت بضحك
المشكلة فعلا عارفة فى ايه؟
فى الانفتاح والافلام الى بيقعدوا ادامها فى افلام وحجات مينفعش الاطفال يتفرجوا عليها لان فى وقت هم بيقلدوا اى حاجة
عجبانى العلاقة بينك وبين بنوتك
ما شاء الله ربنا يخليهالك
احنا كنا غلابة والله
Ana keda
اهلا بيكى ياقمر
احنا كنا عسولين وطيوبين خالص بالنسبة للاطفال الايام دى
والظاهر من الموقف اللى حصل لابن اختك ان البنات هما اللى بيبتدو بالمبادرة الايام دى
ههههههههههه
ربنا يخلي لكم ابن اختك يارب
ميرسي ليكى ياقمر ونورتينى بجد
فيه اطفال كتير كده
بس شوية شوية هينسو بعض لأنهم فى مرحلة الطفولة عايزين يجربو كل حاجة
وجميل ان حضرتك وبنتك بينكم علاقة مبنية عالصراحة كده
ده شئ بقى قليل دلوقتى
ربنا يخليكو لبعض
M و H
الاطفال بئو مش اطفال اصلا
ربنا يعينا عليهم
ميرسي اوى على كلامكم الحلو وعقبال مانشوف اولادكم يارب
نورتونى وشرفتونى
ميرسىىىىىىىى دلوقتى اتأكدت ان انا من الحفريات ههههههههههههههههه.
دحنا مكوناش اطفال خالص,لاااا والبنت بتفكر ازاى تشعلل نار الغيره يانهارى..
عموما مش مستغربه اوى ياريم ,ابن خالى نفس المنظر كده وبيحب واحده بنت معاه وفى الكلاس عاتى جدااا وبيتصل بيها فى التليفووووووووووووون :))
يقولها علمتى الهوم وورك والكلام ده ,
هم لسه برضه عندهم شويه براءه كبيرهم الهوم وورك هههههههههههههههه..
بس جميل انك تخلى كنزى صاحبتك انا والدتى علمتنى كده ومش عاوزه اقولك اوقات اقعد امسك فى لسااانى مش عاوزه احكى حاجه بس على ميييييييييين باه تعود,:)
هعلق قبل ما اقرا التعليقات علشان مااشتتش نفسي
للأسف الشديد ان الاطفال كده واكتر من كده كمان
وده من فتره طويله من ايام اختراع الدش
كان الاول القنوات المحليه مؤدبه المذيعات محترمين الافلام المذاعه متشال نصها تقريبا
الان
الدش لارقيب ولا محاسب
مذيعات ربنا يهديهم
برامج تزيع ولا حرج كل الخصوصيات اللي تكسفي تتكلمي فيها حتي مع نفسك
والاغاني والكليبات واه من الكليبات
كل ده بيختزن في عقل الطفل وبيحب يقلد ويعمل نفس الشئ
زي البنت اللي بتقلد مامتها وساعات وهي لسه بتتعلم المشي تلبس جزمة مامتها اللي كعب عالي
زمان وبنوتاتي صغيرين كان الفيديو في اوج مجده اشتريت لهم مسرحية هالة حبيبتي علي اساس انها كلها اطفال
واول مادخلنا البيت جريوا شغلوها علي ماحضرت الغدا
طفيتها وغديتهم (ممنوع عندي الفرجه علي التليفزيون اثناء الاكل)
وناموا ولما صحيوا لاقيت نمره اتنين بتقول لنمره واحد كلمه غريبه جدا جدا
استغربت وبضحك قلتلها جبتي الكلمه دي منين قالت لي تانت في المسرحيه قالتها لهالة اللي بتمثل
طبعا فهمتها انها كلمه غلط وشرح طويل عريض واسأله وهات وخد لحد ماسويت الموقف وخفيت المسرحيه للأبدوبنوتي متزوجه الان وكل ماتيجي المسرحيه نفتكر الموقف ده ونضحك
تربية البنات شئ مش سهل والرسول الكريم قال ان اللي يربي بنت كويس يدخل الجنه
ده مش من فراغ
علشان ده شئ صعب وخصوصا الان
لازم يكون في حوار علي طول بينك وبينها واستقبلي اي غلط منها بسلاسه علشان ماتنفرش
وانا تحت امرك في استفسار
الحمد لله وربنا كرمني ان عديت كل المراحل ببناتي الي الان بسلام حتي سلمت الامنه لمن يستحقهاويشيل هو بقا
:)
سلامي
ما عاد فيه اطفال ولا برائه يا ريم ... اصلا ما عاد فيه اطفال هذي الايام ... و اكتشفت هذا الشئ من عيال اخواني ... لدرجه اني ساعات اشك انهم كبار بس حجمهم صغير او انهم يستهبلوا ..
الحين تأكدت اني زي شيماء من الحفريات ههههههههههههه
بصى يا ريم الاولاد و البنات تفكيرهم اتغير عن زمان خالص وردودهم بقت غير متوقعه خالص
انا و جوزى كنا بنهزر و بيقول لشادن بنتى ايه رأيك اتجوز واحده تانيه غيرماما و متخافيش هيا حتحبك برضه
بصتله و راحت قالتله يعنى تخون ماما معاها و تخونها مع ماما
لا طبعا مينفعش
المشكله بقى هيا عرفت كلمه تخونها دى ازاى و منين و هل عارفه معناها
بس اكيد عارفاه بدليل انها غيرت و بدلت فى الشخصيتين بكل سهوله
يا بنتى احنا بقينا بالنسبه لهم متخلفيييييييييين
علا دى تبقى صيدلانيه طالعه نازله
الشعب لابد له من حكومة تشكمه
يا شيمو انا دلوقتى ي حاجات كتير اوى اوى بتحسسنى انى من الحفريات
بس انا عاجبنى انى من الحفريات ومش عاوزه اغير دا
هو ابن خالك كمان كدا
بس الولد يعنى كويس ومش خرج من نطاق الهوم وورك ههههههههههههههه
اخبار حالة الهه ايه ؟؟؟
شمس النهار
ياهلا ياهلا بشموستنا
كلامك طبعا صح والله وانا بكتب البوست كنت مستنية رأيك بالذات
انا فعلا بحاول اصاحبها اوى هى واختها الصغنونة وبسمع كل حاجة بهدوء وانا بردو بحاول اوجه من غير ما اضغط وباقناع قبل اى شئ
ربنا يخلى ليك بناتك وازواجهم يارب وعقبال ما تربي ولادهم نفس التربية الصالحة يارب
ميرسي اوى اوى اوى وبجد مش عارفه اقولك ايه وانا فعلا لو احتجت اى حاجة هالجأ لك
ربنا يخليكى لينا يارب
ساره
ازيك ياقمر وحشانى جدا جدا
تصدقي ممكن ياسارة يكونو بيضحكو علينا وهما مش اطفال ولا حاجة
هههههههههههه
تعالى انضمي ليا ولشيما في مجموعة الحفريات
منورانى يا قمر والله
Ola
يا اهلا بعلا
ازيك ياتوتة
بس والله رد شادن عجبنى اوى
شطورة البتوتة دى ماشاء الله ربنا يخليها يارب
اكيد يا بنتى فاهمين هما بيقولو ايه كويس
ربنا يعينا عليهم يارب ويخليهم
بصى ياست الكل ...الكلام دة كان بيحصل معانا واحنا فى تالتة رابعة بس الفرق ان احنا ما كناش بننطق ...فدة شىء عادى جدا مجرد لعب عيال ...بس المهم ناخد بالنا منه قوى ...ونحاول نشغل الولاد بأى حاجة تشغل تفكيرهم ...المهم بقى والمهم قوى انك فعلا اوعى اوعى اوعى 3اوعى تحكى لام مريم ...لسبب بسيط انتى ماتضمنيش حتتصرف ازاى ...ولو بنتك عرفت حتبقى مصيبة مصيبة بجد لانها حتفقد الثقة فيكى وبالتالى مش حتحكيلك والثقة بتتبنى واحدة واحدة وانت محتاجة الثقة دى قوى علشان اللى جاى
المهم بقى لوكنت ماقولتيش لبباها اوعى تقولى له
اولا البوست دا هعتبره ممكمل للبوست بتاعي
بس هقولك حاجه صغيره تقولك ان الاطفال بيفكرو في كدا من زمان
كنت في ابتدائي في 3 يعني تقريبا في سن بنتك
وكان الكلاش مشترك شباب وبنات
وكان في واحد والله مافاكره اسمه زملتي كان دايما تقولي دا عينه منك دا بيحبك شوفي اهتمامه بيكي اقولها يبنتي ايه دا دي حاجات كبار وجرررررررررررري علي ماما واحكيلها تقولي اوعي تكلميه وكمان يانونا احنا متفقين ان الدراسة اولا ولما تخلص خالص نفكر في الحبب والجواز وفعلا انا لحد اما اتخرجت مش في مخلوق عرف يقتحم قلبي لان كان كل تركيزي في الدراسة وبس .
هقرا بئا التعليقات عشان اخد خبرة منها
انا كتبت عريضة وجيت ابعتها الصبح طارت
قررت اني مش ممكن اكتبها تاني
بس ها اكلمك يا بريئة انتي
فيه حد بنته تقول لها كده ترد تقول لها الحب له وقته؟
انا راضية ذمتك يا بسكوتة انتي؟
لا يا ماما
ملوش وقت بس محتاجة تكلميها عن الفرق بين مشاعرها في مراحل عمرها المختلفة
اه طبعا جالك حول دلوقت
ايوه يا ستي الواد من سنتين كلمني في صاحبته اللي بيحبها
اقول له عيب يا بابا؟
لأ طبعا مش عيب خالص
هو بس مش اسمه حب
ويعرف الفرق بين الإعجاب في ابتدائي والإعجاب في اعدادي ثم ثانوي ثم جامعة
لكن اقول لها شاطرة يا ماما
طب لو هي حست مش ها تقول لك علشان تفضل شاطرة
بصي يا ريما
هي مش تابوهات كل واحد يتكلم فيها وبس
لأ
ده تطور اللي ميتطورش معاه العيال ها تبعد عنه وتقول ماما ديموديه
عادي جدا انها تفهم ان مريم عندها لخبطة في عقلها علشان مامتها وهي مش صحاب يا كنزي
لو كانوا صحاب زينا ممكن يحللوا كل شيء ويوصلوا لأسمه الحقيقي
اني يعجبني زميل علشان شاطر او علشان مؤدب ده مش حب
ده اعجاب عادي خالص ومش ها نفكر زي الأفلام
علشان اللي في الأفلام دول كلاونز أي مهرجين بالعربية
واحنا مش بناخد منهم طريقة حياتنا
وبعدين يا ريما يارقة انت مش كل ما ها تيجي تقول لك حاجة جديدة ها تزبهلي وتفتحي بؤك
امال لو سألتك عن القاموس اللي احمد لسه مكلمني فيه ها تعملي ايه؟
ههههههههههههههههههههههههه
حنعيش يعنى حنعيش
انا فعلا يادكتور واخدة بالى اوى من ال 3 اوعى وعمرى ما افكر احكى لمامة مريم طبعا
وانا مش حكيت لباباها لان هو ممكن يكون رد فعله غيري وهايقول ازاى تتكلم في حاجات كدا وانا كمان معودها ان اللى بينا مش بحكيه لحد خالص
ميرسي يا دكتور ومنورنى
كيــــــــارا
ازيك ياقمر
عامله ايه
للاسف لسا مش قريت البوست بتاعك هاقراه حالا
ايه دا الموضوع بئا مش جديد انا اللى كنت فاكرة انى انا بس اللى قابلت الموقف دا
منورانى ياقمر
ستيتة حسب الله الحمش
طيب والله انتى ست زى العسل بجد
ههههههههههههههههههه
تصدقي انا حسيت انى فعلا غبية جدا في ردى
هو ازاى يعنى الحب له وقت دا
ههههههههههههههههههههه
وبعد ما كلمتينى دلوقتى فضلت اضحك على نفسي وعلى ردى عليها
معلش بئا لسا مش عندى خبرة في المواقف دى
عندك حق جدا كان لازم افهمها الفرق
عارفه يا ستوتة بجد انا بحمد بنا انى عرفتك لان بالاضافة لانك صديقة لا تعوض وانسانة محترمة وذوق كمان بستفيد من رأيك في حاجات كتير اوى
ميرسي يا ستوتة على اهتمامك وعلى ذوقك وميرسي لانك صاحبتى
وبحبــــــــــك جدا وربنا يعلم
يا خبر ؟؟؟؟؟
:)) احنا فعلاً ماكناش أطفال
البركة في الاعلام بقي :)
.......
جميل جداً إنك تصاحبي بنتك
وانها ماتخبيش عنك حاجه أبداً
بجد شئ جميل وعجبني جداً
ربنا يكرمك بيها :)
تحياتي
Lyssa
Lyssandra
ازيك ياقمر عامله ايه
لا طبعا احنا مش كنا اطفال خالص خالص
الاطفال دلوقتى بئو عارفين كل حاجة وفاهمين
انا بحب اوى الام تصاحب اولادها وتعرف منهم هما كل حاة عنهم مش من برا
منورانى ياقمر بجد
بجد انا مصدووووومه من الكلام بس بالنسبه لي لشان عندي ولاد أختي بردو في نفس السن في سنه أولي وعادي جدا بيتكلمو في المواضيع دي وبيحسسوني اني قاعده مع شباب ولاد ستين في سبعين .... من كلامهم
منهم ابراهيم ههههه بيحب بنت خاله وبيقول لمامتها اني هنجوزها غصب عنك ...... وطبعا البنت لسه مكملتش 3 سنين وأسألها هتتجوزي مين تقولي ابراهيم وطبعا أخيرها بين اتنين ابراهيم تقولي لا ابراهيم ابن عمتو هويدا ... مش التاني
صدقيني بنتك كمان ماشاء الله كبرت كمان مش تستغربي ده بقي الحال الطبيعي أهي البنت دي عندها 3 سنين والله وماشاء الله علي كلامها
الله يحميهالك ويخليهالك يارب ودايما تكوووون عاقله بالطريقه دي ماشاء الله
فريــــــــــــــدة
صباح الخير ياقمر
ازيك عامله ايه
ههههههههههههه
طيب والله عسولين خالص ربنا يخليهم يارب
وبعدين البنت عندها رأي وعارفه هى عاوزه ابراهيم مين ياجماعة انتو زعلانين ليه ؟؟
ربنا يخليهم لكم ويحميهم يارب
منورانى ياقمر
يا ريت العمر يرجع دقيقه عشان افتكر اجمل قصه فى حياتى قصه حب الطفوله علفكرا دا طبيبعى جدا
ودليل على ان بنتك كويسه يعنى جواها احساس وشعور وفى نفس الوقت عارفه قدر نفسها ان الموضوع اكبر منها واكبرمن انها تتصرف فيه او تقول رايها من غير ما تاخد راى حد عارفه انو هيفيده الاجمل انها عندها ثقه فى قرارتك وفى كلامك وانها بتفتح قلبها ليكى ومتاكده انها بتاخد منك الاجابه النموذجيه والصح لكل سؤال ودا احلى حاجه ربنا يخلهلك ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر
amirelhob
ازيك واخبارك ايه
انت فين من زمان ؟
انت كمان كنت بتحب في ابتدائي
الظاهر انا اللى فعلا من الحفريات
هههههههههههه
ربنا يكرمك يارب على دعواتك الحلوة
وربنا يوفقك وعقبال ما تشوف ولادك كدا ويجو يقولو لك بنحب يا بابي
منورنى يا فندم
اشكر حسن زيارتك وتعليقك وتوقيعك
وسائل بلا بريد من اهم الرسائل
التي تهم حلم لما تحملة من عمق وصدق في التشخيص واعتبرها من اصحاب الراي والفكر والاحساس العيق ايضا وخير دليل على ذلك بوستك الجديد من يشدو به من براءة الاطفال وفطرة الانسان التي تستقطب في جوهرها كل ماهو جميل وانساني .. وما اذا تحدثنا عن الحب فهو وطن من لا وطن له..وهو وطنا ليس له سن اوعمر معين فهو خبز الحياة وملح الارض والانسان..
اختي الرائعة
ان حرفك يصف جمال وذكاء الطفولة وبرائها لانها لو ما اجتعمت فيكي ماكان بالامكان ان تنبض في قلب ابتك الجميلة الرائعة يعني بالمصري ابن الوز عوام..
في الحتام
الله يخليك هالشمعة الحلوة
ويحفظها من كل سوء
ويحميكي ويخليكي الها نبع حنين وحنان لا ينضب ابدا
انحني لاحساسك الرائعة العميق بروؤم الامومة يا ام الدنيا كلها
دمتي سعيدة فخورة بهذة الفارسة الصغيرة هذة الحكيمة الكبيرة
مع خالص المودة والتقدير
اخوكي حلم
حلـم،،
اخي العزيز حلم
انا بجد مش عارفه اقولك ايه على كلامك الحلو
ودا مش غريب على حلم باحساسه الرائع
وجودك في مدونتى بينورها
وتعليقك بجد بيسعدنى
السلام عليكم ورحمة الله وبركاته
ازيك ياريم
يارب تكونى بخير
مش عارف اعلق اقول ايه على البوست ده بصراحه
بس هو انا مش مستغرب الكلام قوى يعنى لانى بشوف الاطفال الصغيرين بيعملوا حاجات احنا ماكناش بنفكر ولا نعرف حتى نعملها واحنا كبار
ياخرابى
ده انا ماكلمتش بنت وانا حتى فى الجامعه
لا اله الا الله
ربنا يسترها على الجيل ده
ســـــــــــــــــلام
المعتصم
وعليكم السلام ورحمة الله وبركاته
انا الحمد لله تمام
ازيك يا استاذ مصطفى
الجيل دا مختلف تماما عننا
ربنا يحمي اولادنا ويبعد عنهم كل شر
المدونة نورت يا استاذنا
مساء الخير
ضحكت جدا علي الاطفال والبراءه الي بيتكلموا بيها في موضوعات جاااامده
مافيش حاجه البنوته عملت زي الفيلم الي شافته ولا المسلسل
وخلاص
ربنا يحمي بنتك من كل شر
ماما كانت مصحبانا كده زيك وماكناش نخبي عنها حاجه
نعمل المصيبه ونجي نقر ونعترف وكانت تضحك علينا وتتريق الاول وبعدين تنصحنا بالراحه
باي
سلامو عليكو
أولآ زعلانه منك
لأنك معتيش بتباعينى زى زمان
وكمان شيلتينى من عندك مش مهم دى حاجه ترجعلك أما بالنسبه للايميل بتاعى فى عندى مشكله كل ما افتح يقفل تانى عشان تقولى مش بدخل ولا بكلمك
عامة يهمنى إنى بسئل عنك وبطمن عليكى
******************
البوست جميل وكله براءة وبسم الله ماشاء الله بنتك ربنا يحميها يارب ويحفظها هى واختها
ومتتعجبيش من كلامها أحنا فى زمن العجايب وكل شىء معتش بيفرق معاه كبير ولا صغير
بتمنالك ان ربنا يحفظهم ويباركلك فيهم
تحياتى لحضرتك
ايناس
donya
ازيك ياقمر عامله ايه
وحشانى جدا
براءة يا دنيا ؟
هى فين البراءة دى
البراءة دى كانت فينا احنا
هههههههههههه
انا كمان مامتى كانت كدا معانا واحنا صغنونين ولحد دلوقتى متعودة احكى لها على كل حاجة
ربنا يخلي لك مامتك يارب ويخليكو ليها
منورانى ياجميلة
إبتسامة ملاك
انوسة حبيبة قلبي
انا مش اقدر على زعلك والله
انا اللى عندى مشكلة مع المدونة بتاعتك هى وكم مدونة كمان
مش عارفه ادخل عليهم خالص خالص علشان كدا مش عرفت اضيفها ولا عارفه ادخل عليها اصلا
وكم مرة اقولك على الميل انى عاوزه اكلمك وطبعا كنت مش عارفه ان الايميل عندك فيه مشكلة
وبعدين انتى حبيبة قلبي يا انوسه وانتى عارفه
وانا بئالى كم يوم عاوزه احط الفاير فوكس علشان يمكن المشكلة تتحل معاه واعرف افتح مدونتك هى وباقي المدونات
ودلوقتى حالا هاحطه وان شاء الله اعرف ادخل المدونة عندك وهاصالحك ياقمر
الا انت يا جميل
وانتى بئا وحشانى جدا جدااااااااااااا
حتى وانتى زعلانة كدا
استاذه ريم
ازيك
اولا ربنا يخليلك بنوتك
ويسعدك يارب
ثانيا
اللي بتتكلمي عنه ده عادي جدا
في زمن الانترنت والدش
والقنوات الفضائيه
والافلام اللي اغلبها قصص حب
واكيد الاطفال بيفهموا الافلام ويقلدوها
واكيد اللي انت عملتيه مع بنوتك صح
ربنا يخليهالك
يا نهار ابيض
على فكرة كلللللللله من التيليفزيون والمفروض ننقى الحاجات إللى يشوفوها اولادنا
التربية بقت صعبة اوى
الواحد بيربى فى جهة والناس بتبوظ فى جهة تانية
ربنا يحفظ بنتك ويخليهالك ما شاء الله عليها
على رأى شيما صاحبتى كانت بتقولى زمان بكرة الجواز العرفى هيدخل الحضانات
أصل برده كان ليها طفل قريبها بيحب جارته وصاحبته فى الحضانة وبيكلمها فى التيليفون ههههههههههههههههه
احلى حاجة انك قولتيلها ان اللى بينك وبينك لا يمكن يخرج برا
بجد ده صح الصح
ثقة البنت في مامتها اغلى من كنوز الدنيا
تحياتي
عزيزتى ريم
اولا شكرا على تشريفك لمدونتى وانك علقتى من قلبك انا حسيت فعلا ان الكلام من قلبك متشكرة اوى اوى
نخش فى الجد بأة وبما إن المسئول ليس بأعلم من السائل حيث اننا جميعا فى الحوسة سواء فاللى اقدر اقولة لك ان خلى الخط مفتوح على طول بينك وبين بنتك عشان تكونى مسيطرة على الموقف الكلام اللى قلتية للبنت عين العقل بس انا عاوزاكى تستعدى انك تسمعى الكلام دة من بنتك وتكون هى مكان مريم ساعتها هتردى ازاى ؟
ابو العريف
يا اهلا بيك يا باشا
ازيك عامل ايه
واخبار السعودية معاك ايه
اه والله كل الحاجات اللى قلت عليها فتحت عيون الاطفال وبئو يعرفو كل حاجة
ربنا يستر على ولادنا يارب
ربنا يخليك
ومنورنى
أم .. بوبه
صباح الفل ياقمر
عامله ايه
واخبار بوبة ايه
شفتى يا بنتى يلا استعدى بئا علشان بوبة
ومش تتصدمى زيي خليكى كوووول خالص
ههههههههههههه
شيما الظاهر عندها حق فعلا البنت دى كلامها حكم طول عمرها
بوسات كتير لكى ولبوبة
واحدة وخلاص
ازيك يا قمر
عاملة ايه
انا بالفعل اللى بينها وبينى مش بيطلع برا خالص
ودايما بحافظ على كدا وانها تفهم كدا
هانعمل ايه بنحاول يكون في تواصل بينا وبينهم ونكون احنا الملجأ لهم قبل اى حد تانى
منوراااااانى وميرسي لكى بجد
Single Mummy
بتشكرينى على ايه ياقمر وميرسي لكلامك واحساسك الجميل
لو بنوتى كانت مكان مريم كنت هاتصرف بهدوء بردو جدا وستوتة فهمتنى انى مش اتخض ولا اتفاجئ لو حصلت حاجة كدا
ربنا يخليها لنا ستيتة الجميلة
وربنا يعينا يارب عليهم
تحياتى لكى ياقمر وسلامى لابنك العسول
ربنا يخليه لكى يارب ويخليكى ليه
هههههههههههههههه
انا بقى من جيل الحفريات بتاع شيما
يالهوى ع العيال وسنينهم
ههههههههه
ده انا يادوب الحق انتحر
هههههههههههههههههههههههههه
عاشقه الرومانسيه
دودو ازيك ياتوتة
هههههههههههه
كلنا طلعنا حفريات ولا ايه
بعد الشر عليكى ياقمر من الانتحار
وحشاااااااانى
أحب أنضم معاكو لقسم الحفريات بقى
وانا مع رأي ستوتة جدا على فكرة
لازم الواحد يتمالك عقلة ويحاول يبقى منطقي ويفكر كويس في ردوده على الأطفال بالذات
نفسى يبقى عندى بنوتة ونقعد ننم انا وهى على باقى الخلق
نياااااااااهاهاهاااااا
ربنا يباركلك فيها يارب
على فكرة فى ابتدائى انا كنت بحب برضو..كلنا فى ابتدائى كنا بنحب على فكرة ..انا اى نعم مش فاكرة كنت فى سنة كام بس كنت بحب فى ابتدائى يعنى
ربنا يخليكى ليها
من الابتدائية وانا مبتعملش مع الجنس الاخر
ومرت الأيام وانا لسه كده ... تقريبا ما بتعاملش مع الجنس الاخر
حاسس اني بقيت معقد !!
ازيك ياريم ياحبيبتى
متشكرة قوى ياريم لسؤالك دايما على
وده مش غريب على انسانة رقيقة مثلك
ربنا يبارك فيكى وفى زوجك ومريم وكنزى
يارب وتكونوا دايما فى احسن حال
اما عن اخبارى ياريم والله ظروفى صعبة
وكل شوية فى حال والحمد لله على كل شىء
يعد امتحانات ماللك والتى ستنتهى اخر يناير داخلة اعمل جراحة استئصال وربنا يعديها على خير ياريم ومحتاجة جدا الدعواتك واى جديد حطمنك ومرة اخرى
متشكرة قوى ياحبيبتى
صحيح بالنسبة للبوست نفسى اسمعك مالك
واللى بيقوله والله مابصدق ان عنده
8 سنين
ربنا يخللي لك بنوتك العسولة و تبقي سرها دايما مع مامي
من ناحية الحب و السن الصغير ده انا فاكر ان اول مرة حبيت كان عندي 17 سنه
يعني يا دوب كي جي 2 في الجيل الجديد يكونوا بدأوا يحبوا
بس تعرفي عجبتني ردودك جدا لانها تربويه و صادقه لم تنكري الحب و لكنك وضحتي معناه
اسلوبك جميل معاها و افضل شئ ان التفاهم يبقي بالطريقة دي و بالتالي لا يمكن تخبي عنك حاجه لانك بتستوعبي كلامها و ما بتستعمليش اسلوب التوبيخ و التانيب
سمعت قصص مختلفة بين الاولاد في السن ده و لكني كنت ضد التعتيم والاجابات الساذجه اللي بيحاول بعض الاهل استعمالها مع ابناءهم لان الحقيقة ما عاديتش مستخبيه و بدل الطفل ما ياحد معلوماته من مصادر اخري ياخدها من اهله بصورة صحيحه
برافو عليكي
تحياتي
MaNoOoSh
منوووووش ازيك ياتوتة
يا اهلا بيكى في قسم الحفريات
انضمى ياتوتة لينا هههههههههه
طبعا كلام ستوتة عين العقل وهاعمل بنصيحتها دايما ان شاء الله
enjy
لا مش معقول انجى المبدعة عندنا يا مرحبا يامرحبا
ربنا يكرمك يا انجى ببنوتة حلوة كدا زى مامتها
منورانى ياقمر والله
Mo3taz Mo7amamdy
معقول يا معتز مش بتتعامل مع بنات خالص ؟
هاتتعامل مش تقلق
مش معقد ولا حاجة طبعا بس بجد حاول تتعامل عادى
انت نورتنى واسعدتنى بتواجدك
أم مالك
حبيبة قلبي بتشكرينى على ايه بس
انتى غالية اوى عندى وبحبك اوى وربنا يعلم
ربنا يشفيكى يارب وتقومى لاولادك واسرتك ولنا بمليون سلامة يارب
اه والله يا ام مالك مرات مش بصدق ان دى اعمارهم من كلامهم
ربنا يخلي لك مالك واخواته ويخليكى لهم يارب
بحبك جدا في الله
أحــوال الهـوي
ربنا يخليك يادكتور
رفعت معنوياتى وحسستنى انى الحمد لله تقريبا بتعامل صح شويه معاها
عند حضرتك حق جدا مش لازم يكون في تعتيم لانهم فاهمين كل حاجة ولو احنا مش ارضينا فضولهم وحسو اننا صادقين معاهم هايروحو لحد تانى ويسألوه ويحاولو يعرفو منه
منورنى يا دكتور والله
هز فى الواقع بقوا كده ونص كمان ..
انا لما نزلت اشتغلت مدرسة لسن ابتدائى لاقيت العجب
زى بنوتك كده لما بتحكى لك وجوابات والبنت لسه مبنتش من الارض وتروح تحكى لصحابتها ويبقى الجروب كله عارف ان الولد ده بيحب البنت دى
يعينى حاجات كده ما عرفنهاش الا فى الكليات
الجيل اتغييييير جدا وبقى تفكيرهم مسابق سنهم اجيال لاودام ..
ربنا يبارك لك فى بنتك
وكويس جدا انك مصحبها وحافظى على كده بجد كل مدى كل ما هتحتاجك اكتر
ربنا يحفظهم ليكى يارب ياريمة ..
دمتِ بخير ..
المشكلة العويصة إن السر اللي حكته لك بنتك وطلبت يفضل سر لم يعد سرًا، دي مصر كلها عرفته، وزميلتها البنوتة ياعيني بقت أشهر من أبو تريكة
لجين ابو الدهب
ازيك يا قمر
اخبار السنة ال 23 معاكى ايه ياتوتة ؟
ربنا يخليكى يارب ويبارك فيكى
الاطفال بئو مشكلة والله
سلامى كتيييير لام مالك
احمد الصعيدى
وعليكم السلام ورحمة الله وبركاته
لا شكر على واجب يا استاذ احمد
ربنا يصبركم يارب
والله يرحم خالك يارب ويسكنه فسيح جناته
غير معرف
ههههههههههههههه
انا مش غبية اوى كدا انا طبعا مش قلت الاسماء الحقيقية
وبعدين مش اعتقد ان المدونة عندى مهمة ولا مشهورة علشان مصر كلها تعرف
والكومنت بتاعك دمه خفيف بجد وضحكنى جدا
تحياتى ليك ونورتنى
المدرسة دى مفيهاش فصل ... يا اللى اتحرمتوا من التعليم الفرصة لسه قدامكم ... بجد مجموعة زى العسل ... والتعليقات اوفت واستكفت ... بس فعلاً السر كده مطلعش بره المجرة
المشكلة فى كثافة الميديا اللى موجودة
انا امبارح ... منعم ( 5 سنوات ) ... بيقولى اقولك نكتة يا بابا ... اقول
مرة طفل صغير بيقول لمامته ... انا بحبك اوووى يا ماما
قالتلوه ... ما تخلينا اصحاب احسن
كتمت الضحك بالعافية
لانى فعلا كنت اول مرة اسمعها
علماً بأن منعم ... تقريبا انا معتقله هوه وامه فى البيت ... حتى الحضانة مودتوش السنة دى بسبب كوكتيل القيروسات اللى منتشر اليومين دووول
ربنا يخليهالك
يا سلام
شوف ازااااااي
لا ما حصلتليش قبل كده الحكايه دي
اصل اناولادي مش عاطفيين اوي
ههههههههههههههه
ما بيتفرجوش على افلام عربي
لان انا اصلا مش باتفرج
بس طبعا ده بجد تاثير المسلسلات والافلام
انتى ردك معقول يمشي
انتى عارفه ان مش من انصار الحب فى الجامعه ولا البتنجان ده
الحب ده الي هو الحب بتاع الجواز ا لى هو تحب خطيبها وتحب جوزها
بس ممكن اسيبها تعجب بخطيبها قبل الخطوبه
ههههههههههههههه
انما تعطيف وكده من غير خطوبه اموتها عادي
هههههههههههههه
اختى الكريمه
جزاكم الله خيراعلى تصرفك الجيد مع بنتك الصغيره
واضح انكم اصحاب اكثر من ام وبنتها
وده مطلوب جدا جدا
عشان لازم الام والاب يعرفوا ولادهم بيعملوا ايه وخاصه فى السن ده
للاسف الافلام اللى بتتعرض بتخلى العيال الصغيره تتصرف بدون فهم
هم مش فاهمين يعنى ايه حب ولا جواز
هم بيقلدوا التلفزيون والافلام
بس كويس انك رديتي بردود مظبوطه ومتوازنه
عجبنى جدا ردك ان الحب يكون للى عارفين انه هانتجوزه وانه يكون للناس الكبيره اللى فاهمه وعاقله
احييكي فعلا على ردودك
ربنا يكرمك ويسعدك
ENG./ELSAYED,PMP
ههههههههههههههههههههه
النكتة بتاعة منعم عجبتنى اوى اوى
انا كمان اول مره اسمعها
ربنا يخليه ليك يارب
طيب شفت يا باشمهندس اهو انت معتقله وبردو مش في فايدة كله بيجى لحد عندهم
والاطفال دلوقتى ماشاء الله اداركهم عالى جدا
تفتكر كدا السر مش طلع برا المجرة ؟
ههههههههههههه
منورنى
صبرني يارب
يا صباح الفل والياسمين
ازيك ياقمر
انا بنوتى اصلا مش بتتعامل كتير مع ال boys
هى دايما تقولى كدا يا مامى انا مش بكلم البويز اصلهم شقيين ومش بحب العب معاهم
بس هى الموقف بتاع صاحبتها هو اللى لفت نظرها
وبعدين انتى يا ست يا مفترية انتى مش عاوزه ولادك يحبو ليه؟
ما تسيبهم يحبو المهم يحبو صح
والله انتى عسوله يا توتة
مستنية اشوفك يوم الجمعة ان شاء الله
م/محمود فوزى
ربنا يخليك يارب
وجزاك الله خيرا على كلماتك المشجعة والجميلة
خليتنى احس انى انفع ام
بحاول على اد ما اقدر اكون انا الملجأ الاول لهم من غير ما افرض اسلوبي ولا اختيارتى حتى وهما لسا صغيرين كدا
نورتنى وشرفتنى واسعدنى جدا تعليقك
ربنا يبارك لك ويكرمك يارب
انه جيل الفضائيت يا عزيزتى
طبعا موقفك مع بنتك صح ولازمالعلاقه تفضل كده بينكو وتتعاملى معاها على انها ناضجه وفاهمه علشان لو حصل وحست انك بتستعيليها هتخبى عنك
لكن هي عارفه انك عندك مدونه وكده؟
لو عرفت وقرأت البوست هتبقى مشكله انت خلفتِ وعدك وقلتِ للناس كلها
هههههههه
لك كل التحيه
ما شاء الله .. ايه الأسلوب الراقي ده بس ؟ .. نمسك الخشب .. بجد تحفففففففه
اتمنى أتشرف بزيارة حضرتك في مدونتي الجديده و أشوف تعليقك على إحدى صفحاتها
رابط المدونه
http://ra7alaat.blogspot.com/
شكرا لوقتك
mostafa rayan
يا اهلا وسهلا بكاتبنا العظيم
لا الحمد لله انا مش بعاملها على انها عيلة خالص وبحاول ارد على كل حاجة بجد بس بطريقة مبسطة
الحمد لله مش تعرف ان عندى مدونة او يعنى بالاصح تعرف بس مش بتقراها لانها لسا مش كبيرة اوى وكمان بصراحة ومش تقول لحد هى في العربي مش اوى
ههههههههههههههه
تصدق صح لو عرفت هاتخاصمنى
نورتنى جدا جدا
اسمي أحمد .. لو مخانتنيش الذاكره !!
ربنا يخليك وميرسي لكلامك
وان شاء الله طبعا حالا هازور المدونة وميرسي اوى لدعوتك الجميلة للزيارة
منورنى يا استاذ احمد
ريم
جزاكم الله خيرا
واللى قلته ده رايي فعلا
طبعا تنفعى ام جيده باذن الله
ممتاز جدا ان تكونى الحضن الأول لاولادك اللى يدور عليه ساعه اى مشكله سواء للفضفضه او للبحث عن حلول
طبعا فرض الشخصيه عليهم امر مختلف عن محاولات التوجيه والنصح
حيث توجيه النصح للخير مع التشجيع والترغيب
ربنا يوفقك ويكرمك ويسعدك
ههههههههههههه انقذتينى لما فسرتى بريمير تو دى تبقى ايه ؟
انا دى كانت مشكلتى مش عارفة دى سنة كام يعنى
ههههههههههههههههه
ياحبيبتى انا عندى اطفال ف الحضانة بيقولوا وبيعملوا اكتر من كده
اسكتى خلينى ساكتة هههههه
بصى يا ريم الاطفال من زمان بيتكلموا ف الحب
اانا اتبعتلى جواب وانا قد بنتك هههههههه
فكرتينى بايام الشوباب بقه
بس اللى بجد بقه وحش انه تطور اوى
اولا بقه فيه افعال عمرك ما تتخيلى انها تطلع من اطفال
وده طبعا بسبب عدم اكتراث الاباء بوجودهم
وبيتفرجوا ع كل واى حاجة قدام الاولاد ويقولك دول عيال
كمان مابيخلوش بالهم ف علاقاتهم
بردو قدام ولادهم وبيقولوا دول عيال
والاغرب ان انا قرأت مرة بس مش فاكرة فين تحذير لكل الاباء
احذروا من تصرفاتكم والتليفزيونات بمعنى اصح
امنعوا اى فعل او قول غلط
قدام الاطفال من سن 6شهور لسن 6 سنين تقريبا
وان الاطفال اخطر من الكبار ف الحاجات دى
لانه الطفل لسه دماغه فاضية اى فعل بيشوفه
او قول بيسمعه بيسجله وبعدين يخرجه ف اى وقت
وبما انه طفل لسه مايعرفش يتحكم ف تصرفاته
فبيصدمنا لما بيخرجها قدامنا
عارفة كمان الغلط ع الناس تلاقى اى حد كبير
اول مايشوف بنوتة حلوة يقولها تتجوزينى ياقمر
وهكذا فبالتالى بيفتحوا عينهم فعلا ع حاجات مش من سنهم
وف ناس بتلفت انتباه الطفل بالجملة دى
فيبتدى يركز لما تيجى الكلمة دى قدامه
وطبعا بيتكلموا هما بقه ما ده عيل
وهو يخزن ويطلع فاضى بقه
تربيتك لبناتك عجبتنى اوى ربنا يباركلك فيهم يارب
وتصرفك كمان شايفة انه صح
استمرى واوعى تخسريهم وتخسرى صحوبيتهم دى
ربنا يفرحك بيهم وتشوفيهم احسن ويعينك ع تربيتهم فى الزمن الاغبر
مبسوطة جدا جدا اني شوفتك النهاردة
ربنا يسعدك
واسمع عنك كل خير
ههههههههههههههههههههههههه
هما دول اطفال
انا على كدا مكنتش طفلة خالص
بس تصرف حضرتك صح
ربنا يستر عالاجيال الى طالعة بجد
التعامل مع الاطفال وفهم الى بيدور فى اذهانهم بقا شئ صعب جداااااا
ريم ازيك يا قمر علي فكره انا بدخل هنا من قبل اللقاء بس مجمعتش :]
بجد كان يوم حلو اوي
تحياتي
رييييييييم
انا سعيدة جدااااااا
انى شوفتك امبارح
بجد انتى انسانة جميلة قوى و رقيقة قوى
و فعلا تعريف ستوتة لايق عيكى جدااااا
مش هندك غير بيه بعد كدا
يا ر قيقة الرقيقات
انتى نورتينا امبارح
و جبتى معاكى حركات شياكة كمان
تنم عن ذوقك و شخصيتك الجميلة
احنا اتشرفنا بيكى بجد
و ان شاء الله تتكرر اللقاءات
و نقعد مع بعض اكتر
بوسيلى البنوتاتا القمرات
ربنا يحرسهم يا رب
و يسعد كل ايامك
خالص حبى يا رقيقة الرقيقات
فعلااااااااااا
ربنا يخليهالك يا رب :)
والعيال اليومين دول بقو كبار من اول ما يتولدو ..
تحياتي ..
اطفال مين؟؟؟؟؟؟؟
فى زمن الدش والافلام والقنوات المفتوحة اللى بتعمل كل حاجه
زمن البراة انتهى يا حوااااش
الاطفال دلوقتى بقوا عارفين كل حاجه بتحصل حواليهم بس اللى مستغربله فعلا بنت عندها 7 سنين وبتشعل نار الغيرة بين ولدين لا دى جديده ههههههههه
كويس انك مصاحبه بنتك دا شئ عظيم
ربنا يحفظهالك
عادى انا كنت بحب وانا فى ابتدائى بنت اسمها مريم ولما كبرت فضلت جوايا ولحد دلوقتى ساعات بتخيل انى هقابلها فى الشارع واتجوزها بجد بتمنى انى اقابلها ولو مكنتش اتجوزت فاكيد هتجوزها بس خلاص اكيد اتجوزت هيا عندها دلوقتى 25 سنة بس بجد الحب الاول مبيتنسيش
تحياتى ليكى
من ايام ماانا كنت في اولي ابتدائي يعني سنهن 1965 والبنات بتحب الولاد في الكلاس ويبصوا ليهم ويغيظوهم !!!
الفرق انهم ماكنوش بيقولوا لمامي لان مامي كان حيغمي عليها وغالبا حتموت بازمه قلبية !!!
لا مساله نت ولا مساله افلام عربي ولا خواجاتي ، زمان كانت البنات تقول لبعض دلوقي الدنيا بقت اخر حقوق انسان فبقت البنات بتقول لمامهتها !!!
مره سالتني واحده صاحبتي وكنا 9 سنين ، ليه بوسه بابا مش بتجيب اطفال وبوسه الراجل في الفيلم بتاع فاتن حمامه ( قصدها الحرام ) جابت عيال !!! مش حاقولك علي الفتاوي الرهيبه اللي قعدنا نفتي فيها وقتها ونحلل الفرق بين بوسه بابا وبوسه الراجل ، باعتبار البوسه هي اللي بتجيب عيال !!!
لو سالتي بنتك دلوقتي حتقولي اصل فاتن حمامه ماخدتش حاجه تمنع الحمل علشان كده حملت !!!!!!!
الدنيا اتغيرت شويه قليله قوي ، هما اكثر جراءه والعالم اكثر انفتاحا !!
لكن كله كان بيحب حتي لو ماقالش !!!!
إرسال تعليق