الاسبوع الماضي رحت انا وزوجي لقضاء يومي السبت والاحد في مارينا
ولان حماتى هى واخوات زوجى كانو في شاطئ النخيل قلنا لازم نروح لهم يوم الاحد
ورحنا فعلا وحسيت ان المكان تغير كثيرا عن زمان اصبح اكثر زحاما وأقل كثيرا في
المستوى
ولم يؤرقنى هذا كثيرا
وقلت مش مشكلة المكان يوم وهايعدى المهم لمة العيلة
ولانى مش عشاق البحر وخاصة ليلا قررنا السهر على شاطئ البحر
ولقيت ان كل رمال الشاطئ ليلا بتتحول الى ما يشبه الكافيهات
طبعا انا كنت ناسية اى حاجة ومش سامعة غير صوت الامواج العالى واللى حسيت انها
بترحب بيا انا وكل امثالى من محبي البحر
ودخلنا احد هذه الكافيهات لشرب العصير واللى كان العاملين فيه بيحضرو المكان وكأن
حفلا سوف يقام فيه
وفي تمام الساعة 12
اشتغل الدي جي ببعض الاغاني الهادئة وامتلأ المكان بالرواد اللى عرفت من علاقتهم
الوطيدة بالعاملين في المكان انهم بيسهرو يوميا في المكان
وبعد نص ساعة بالظبط
تغيرت الاغانى تماما
وقدم الدى جى شابا
و لم اسمع بالتحديد ما قاله عنه
ودخل الشاب الى المكان
كان شابا طويل القامة عريض المنكبين
بلبس كاب اسود يغطى تقريبا نصف ملامح وجهه
وبدأ برقص على انغام اغنية من اغانى القديرة بوسي سمير
ومش اى رقص
دا كان بيرقص بيرقص يعنى
بيرقص ولا احسن رقاصة
كان بيعمل الرعشة والقصعة على رأي سهبر البابلى في مسرحيتها
منظر مقزز بجد
ولانكم عارفين ان انا طيوبة وعسولة
قلبي الطيب حاول يلتمس العذر للشاب
وقلت مش يمكن يا حرام مش لاقي شغل ومضطر لكدا
يمكن عنده 15 اخ واخت وهو بيصرف عليهم
او مامته مريضة
دا حتى يا حرام مغطى وشه بالكاب من كسوفه
بس مع سخونة الاغنية خلع الشاب الكاب تماما ورماه
والظاهر انه كان خلاص دخل في المود
وبدأ يمثل كل كلمات الاغنية بشكل مبتذل ووقح
المشكلة بقا ان انا الوحيدة انا وجوزى من الموجودين في المكان اللى كنا مستاءين من اللى
بيحصل دا
وكنت كل ما ابص للموجودين الاقيهم كول خالص الستات الكبار والجدات فرحانين اوى
والامهات كل واحدة ماسكة بنتها بتحاول تقنعها انها تقوم ترقص
والبنات فعلا بيقومو
عاوزين يقلدو عمو الرقاصة
والرجالة كلهم عادى جدا وكأن دا شئ عادى
او يمكن انا وجوزى اللى متخلفين
بجد شئ يقرف
هو معقول احنا بقينا كدا ؟؟؟
هى دى رجالتنا ؟؟؟
هما دول شبابنا ؟؟؟
وازاى الناس متقبلة الشئ دا عادى كدا ؟؟؟
ايه اللى وصلنا لكدا ؟
ازاى الحاجات دى بتحصل كدا بدون اى رقابة عليها ؟؟
انا طبعا كنت بقول لنفسي الكلام دا وايدى في ايد جوزى
لانه كان بيشدنى علشان نقوم من المكان وهو زعلان جدا وبيقولى انا غلطان لانى قعدت هنا
اصلا
عرفت ساعتها ان صوت امواج البحر العالى اوى اللى كنت سامعاه مش كان ترحيب بيا
زى ما فهمت
دا كان اعتراض وحزن البحر على اللى بيحصل على رماله
هناك 30 تعليقًا:
طبعا شىء مقزز و يدعو للخجل و الأسف ..
و بعلم حضرتك فأنه يوجد الكثير من الشباب اللى أمتهنوا الرقص الشرقى و بيؤدوه فى بعض المناطق الشعبيه فى الأفراح حتى أصبحت وجوههم مألوفه و لهم معجبون و معجبات و بيطلبوهم بالاٍسم لما بيتفقوا على تفاصيل الفرح ..
مش عارف أقول لحضرتك أيه أكتر من كده غير أنى بأحييكى على حبك للبحر ..
تقبلى تحياتى و تقديرى ..
222222222222 ta3alyyyyyyyykkkkkkkk bagad aday2t awy ank mosh gatyyyyyyyyyyy al azharrrrrrrr w kan nafsy asma3 sotaaaakkkkkkkkkkk aw ahoufakkkkkkkkkkkkkkkkkk w lassaaaaaaaaa fakralak an mosh fy w alaaaaaaa ta3alyk 3alaaa al blog tab lo mosh 33agbaky onkodyhaaaaaaaaaaa w bagad anbasat awyyy lamaaa atasalty al yom w a7na fy al azharrrrrrrrr
أنا سمعت عن موضة الراقصين اللي بتحصل وكنت معتقد إنها في الفنادق الكبيره (الهابطه) بس
ولكني شفت(في بعض الأفراح) رجال بيرقصوا بس بيكونوا مع راقصات وكنت بقول أنهم مدربين أو شيئ من هذا القبيل
لكني عرفت بعد كده أنهم لأ مش مدربين ,
دول بيقدموا النمره عادي وسط الراقصات وهو رقاصه كمان معاهم !!!!
بس دول يا ريم لا يعبروا عن رجالة مصر أبدا دول تقدري تقولي مسخ للفتره والمرحله الراهنه المليئه بالفساد في كل ما هو حولنا لدرجة أن الموضوع لو طول شويه حتى الهوا حيكون فاسد من كتر اللي شايفه من فساد البني آدمين
اللهم لا تجعلنا من أهل البلاد التي إذا أردت هلاكهم أمرت مترفيهم ففسقوا فيها فحق عليهم قولك فتدمرهم تدميرا
وحمدالله على السلامه يا فندم
وأنا اقول مرينا نورت أتاريكي هناك
مع الاسف انعدمت الرجولة فى تلك الشباب واصبح التقليد اعمى لكل ما هو غريب ومقزز
البحر جميل وسحره بالليل اشد
لكن مع هذه الافعال يا خسارة السحر
انا ساعة ما اتجوزت المدام بتقولى يلا نطلع نرقص على المسرح
قلتها اقعدى يا ماما بدل ما يبقى نهايتك على ايدى النهاردة وبدل ما تدخلى دنيا تدخلى على الاخرة سوبر جيت
بس بصراحة لانى كنت خايب ومعرفش فن المياصة صعيدى قفل نعمل ايه
واضح يااستاذه انك مرحتيش تصيفى بقالك كتير علشان كده مستغربه الحاجات دى بقالها سنين واكتر من كده كمان الواحد بصراحة بقى يحس بالخجل علشان كده لو تعرفى انا واسرتى واولادى بنصيف فين ؟ فى عز شهر اغسطس بنروح شرم الشيخ فى الفترة اللى فيها اجانب بس او معظم الرواد من الأجانب اللى تصدقى بقى اللى بنقول عليهم منحلين محترمين نفسهم اكتر مننا لك الله ولنا ايضا
ما خفي كان اعظم يا ريم
انا بدات اشك في نفسي من المناظر الي بقيت اشوفها
للاسف بشكل يومي بطبيعة شغلي
اكيد دي نهاية العالم
لا إله إلا الله
اظن منظر زي ده كفيل بحالة غثيان لمعدتي لمدة يومين
يارب عمري ما أشوفه
اهو ده اللي كان ناقصنا
ضياع تااااااااااااااام
تحياتي يا قمر
اولا انا دعاء بتاعت مطلقات راديو
ثانيا ارد على الموضوع بئا
فعلا حاجه مقرفه جدا
هما دول اللي حاطين عليهم امل يخرجوا البلاد من الازمات اللي فيها؟؟؟؟
بعدين اللي يعمل كده ده بيتهيالي كمان يكون شارب حاجه مخلياه مش عارف ان كان راجل و لا ست
وكمان انا شوفت كذا مرة في بعض الجرايد و المجلات عن رجاله كده ومشهورين اوي كأن اللي بيعملوه ده حاجه حلوة
اللهم احفظنا
بس بعيد عن كده
حمد الله على سلامة حضرتك و العيلة طبعا وعقبال مصيف السنه الجاية بس بعيد عن الشط ده
ريم
ازيك يا قمر وحشتينى جدا
ونورت اسكندرية
اعذرك فى حالة القرف دى
كنت من يومين فى مطروح وشاهدت نفس المنظر بس من كائن يدعى انه رجل وعمره فوق الخمسين
كوارث تحل على البلد
وحسبى الله
حسبى الله ونعم الوكيل حسبى الله ونعم الوكيل حسبى الله ونعم الوكيل حسبى الله ونعم الوكيل حسبى الله ونعم الوكيل
انا لله وانا اليه راجعون
الخيبة ان معظم الشباب اتخذوا من دول قدوة ليهم وبيقلدوهم فى كل شىء
تبصى تلاقى ان فيه كثير من العينة ديه
ربنا يرحمنا برحمته
كنتى منورة اسكندرية ياريم
وعلى فكرة انا فكرت انك حتحضرى لقاء المدونين وبما انك لم تحضريه
فيه لقاء عندى انتى حضرتيه بالفعل
حل اللغز عندى فى اخر بوست
تحياتى
ربنا يستر
والقادم اهول
ازيك
يارب تكونى بخير
مجيتيش اللقاء ليه؟
استاذ عمرو
معقول الاستاذ عمرو شرفنى هنا ؟
لا وايه اول تعليق
بجد نورتنى جدا جدا يا استاذ عمرو ومبسوطة جدا بتشرفيك مدونتى المتواضعة
هو فعلا شئ مقزز ومخجل
وانا عارفة ان في شباب للاسف امتهنو هذه المهنة
بس اكون عارفة شئ واشوف دا شئ تانى خالص
يعنى لما يمتهنو هذه المهنة ويمارسوها في اماكن معينة هايروح يشوفهم ناس فئة معينة زيهم بردو
انما انهم يجو لحد الناس في محاولة انهم يبقو شئ مألوف هى دى الكارثة
انا اعشق البحر مش بس بحبه
ميرسي اوى يا استاذ عمرو لوجودك
ranim
يا حبيبة قلبي انا والله بدخل المدونة عندك كتير هى ومدونة حكايات ابي
وكل ما اكتب لك تعليق مش بيظهر خالص
والمدونتين عسولين اوى اوى زى صاحبتهم
انا فعلا كنت حابة اشوفك جدا ولو كنت عارفة انك موجودة كنت كلمتك بس انا كنت مش متأكده هاتروحى ولا لا
المهم تكونى راجعة مبسوطة وان شاء الله اول لقاء تدوينى هاكون موجودة واشوفك
ومش تزعلى منى ابدا ياقمر لانى ربنا يعلم بحبك اد ايه
ahmed_k
عندك حق في كل كلامك هما فعلا اصبحو موجودين بس زى ما قلت في ردى على الاستاذ عمرو المصيبة انهم هما اللى يروحو للناس في اماكن تجمعهم العادية جدا
انا عارفة اكيد انهم مش بيمثلو رجال مصر بس اللى زعلنى اكتر منهم هو رد فعل الرجال
ربنا يستر يا استاذ احمد
دا نورك يا باشا ربنا يخليك
همس الاحباب
ازيك يا ابو همس
هههههههههههههههههههه
يعنى علشان مش بتعرف ترقص تحرم المدام من كدا في يوم فرحها ؟
باريت كل الرجال فعلا بمخ الرجل الصعيدى الصح المحترم
كانت الدنيا بخير
يعنى هنيئا لك يا استاذ احمد على هذا المخ بجد
سلامى لهموسة الحلوة وللمدام
Hesham
استاذ هشام
نورتنى واسعدتنى زسارتك الاولى للمدونة
انا بصيف بس متأخر شوية عن الناس لظروف عمل جوزى
وزى ما حضرتك بتعمل بالظبط بكون متواجدة في اماكن اغلب روادها من الاجانب
ويمكن دا اللى خلانى مستغربة بعض السلوكيات من بعض الناس
نورتنى يا استاذ هشام
لماضة
واحشانى جدا
عندك حق والله
وربنا يكون في عونك على اللى بتشوفيه في عملك
منورانى ياقمر
ستيته حسب الله الحمش
اه والله يا ستيتة غثيان من الجامد اوى
يارب فعلا مش تشوفي منظر كدا ومش تنجرح عيونك بمنظر من دا
ربنا يستر
كل مره هاقولك بحبك في الله وبتوحشينى جدا جدا لان دا احساسي على طول معاكى
dodoo
يا حبيبة قلبي نورتينى والله
ومبسوطة بيكى اوى
هما فعلا مش بيكونو في حالتهم الطبيعية اكيد
والله يسلمك يارب
وخلاص يا دودو حرمت اروح تانى هناك بعد اللى شفته
القدر و انا
انتى بتوحشينى اكتر والله
يعنى جالك نفس الاحساس اللى عندى دا
وكمان راجل فوق الخمسين
لا حول ولا قوة الا بالله
مهزلة والله
حنعيش يعنى حنعيش
والله ابلغ كلمة ممكن تقال قلتها يا دكتور
حسبي الله ونعم الوكيل
ام مالك
اسكندرية منورة بيكى يا صاحبة القلب الكبير الحنون
دخلت قريت البوست عندك طبعا وتركت تعليقي هناك
بجد فرحتى بيكى مش ممكن توصف وفرحتى اكبر ان ليا مكان في قلبك الجميل
مسدس صغير
اهلا بيك
انا فعلا كنت اتمنى اكون موجودة واشوف كل الناس الحلوين الموجودين
بس للاسف مش قدرت بنوتة كانت تعبانة شوية وكان حضورى صعب
بس المهم ان اليوم كان جميل بيكم وان شاء الله في التجمع القادم اكون اول الموجودين
ازيك
عامله ايه
ماتزعليش اللي شوفتيه ده بيتكرر في الافراح كمان من شباب المفروض انهم ولاد ناس
انا كنت في حفلة تخرج احد الشباب من جامعه خاصه جدا بصراحه
وفي الحفل قام ولد المفروض انه تخين ومن كتر الفرحه اتحزم وفضل يرقص والا احسن رقاصه في زمن الوالم
بس الحقيقه والدته فضلت تشد فيه عشان يقعد وهو مش راضي والاخر سابت الحفل ومشيت وسابته
شمس النهار
ازيك يا اجمل شموسة
وحشانى جدا
عندك حق كتير من الشباب كدا
بس تفرق لما يكون شاب بيرقص مره في فرج او حفل تخرج تعبيرا عن فرحته
ولما يكون دا عمله وناس بتيجى تتفرج
ربنا يستر على شبابنا وبناتنا
انا مش مستغربه من كلامك ابداااااااا
لانى شفت منظر زى ده
كنت مع اصحابى خارجين نتمشى على البحر وكنا مجموعه بنات اكتر من 5
وشفنا على الشاطئ شاب بيرقص بالشكل ده وكان لابس ضيق جداااااااا
وشعره طويل لدرجه اننا فى البدايه افتكرناه بنوته
ربنا يهديه هو وامثاله
عاشقة الرومانسية
ربنا يبعد عننا رؤية هذه المناظر
انتى وحشانى ياقمر
طمنينى عليكى وعلى خطيبك عامل ايه دلوقتى
ربنا يوفقكو يارب ويجمع بينكم على خير
حاجه تكسف والله
جاية علشان اقولك
كل سنة وانتى طيبة ياريم
وربنا يحفظك انتى واسرتك من كل سوء
والسنة الجاية تحققى كل احلامك
باذن الله
تحياتى
إرسال تعليق