الخميس، 27 مايو 2010

تـــــــــــــــــاج الستــــــــــة 6



منونا حبيبة قلبي دبستنى في تـــــــــــاج


وانا مش اقدر اقول اى حاجة مع منونا ولازم اجاوبه


ومع ان التاج دا مش فيه اسئلة كتير الا انه فعلا صعب جدا


نبتدى التاج


أولا : منين جالى التاج دا ؟


من منـــــــــــــــــــــــونــــــــا طبعااااااااااااااااا




ثانيا : تحدث عن ستة اسرار قد لا يكتشفها من يقابلك لاول مرة




1- انا جبانة جدا جدا يا جماعة بخاف من خيالي زى ما بيقولو وعندى خوف من اى كائن بيتحرك غير البنى ادمين




2- انا ظاهريا هادية اوى اوى ويمكن انا كطبع فعلا هادية لكن من جوايا ممكن اقل حاجة تنرفزنى وتعصبنى لكن العصبية والنرفزة دى بتفضل جوايا ومش بعرف اعبر عنها ودا بيتعبنى احيانا




3- مش بحب الكاّبة ولا النكد خالص خالص بحب الحياة تكون سهلة وجميلة وبحترم جدا الست اللى مش نكدية






4- عنيدة جدا ومش بحب حد يفرض رأيه عليا ولازم اكون مقتنعة بالشئ ولو اقتنعت بحاجة لازم اعملها






5- من جوايا طفلة متعلقة بباباها جدااااااااااااااا .. ولحد دلوقتى بحس انى زى بنت عندها 5 سنين لما بشوفه بفضل قاعدة جنبه وابص له ومش احب اضيع ولا دقيقة من غير ما عينيا تكون شايفاه .... وبحب اللعب جدا وبشترى لنفسي العاب مع بناتى وممكن الامور توصل انى اتخانق معاهم لو واحدة فيهم خدت لعبة انا بحبها وعملت فيها حاجة ههههههههههههههههه


اختى دلوقتى جت جنبي وانا بكتب وقالت لى انتى مش بس طفلة لا وكمان اللى يشوفك اول مره يفكر انك عاقله والحقيقة انك مش كدا اوى


( هى بصراحة وللامانه يعنى قالت ان اللى يشوفك ياريم اول مرة مش يعرف انك مجنونة )








6- بهتم اوى اوى بالتفاصيل يمكن اسيب الشئ الرئيسي واهتم بتفاصيله


ويمكن اصغر التفاصيل تفرحنى .... واصغرها بردو تزعلنى ( عقلي صغير يعنى )


بتأثر فعلا بالتفاصيل بدرجة كبيرة


علشان كدا لما بشوف ناس لاول مره بفضل ساكته واراقب كل التفاصيل وبعدين ابتدى اتعامل




الحمد لله كدا خلصت التاج كدا




طبعا المفروض امرر التاج دا لستة غيري


انا هامرره لاول 6 يكتبو كومنتس عندى


طبعا كدا مش حد خالص هايكتب كومنت عندى هههههههههههههه


لا بجد اول 6 ياخدو التاج


وطبعا لهم مطلق الحرية انهم يجابو عليه او لأ


انا طيوبة وديموقراطية خااااااااالص وسايبه كل حد براحته

هناك 32 تعليقًا:

adel يقول...

هو محدش علق ليه :)
ههههههههههههههه

بس فين الجديد
الاجابات دي معروفة اصلا :)

Remas يقول...

adel

مش انا قلت كله هايخاف يعلق
هههههههههههه

فين الجديد يا عادل ... كدا بردو ؟

يعنى انتو عارفين انى خوافة ومش عاقلة من اول مره شفتونى فيها ولا ايه ؟

ههههههههه

منورنى يا عادل والله

P A S H A يقول...

احم احم
بما اني سموك جاوبت على تاج الفتاة المثالية ده في عقر دار منونة أختنا الفاضلة عشان كده أنا فرحان قوي ف اللي هايتدبسوا نياهاهاهاها

بس بجد باشكر منونة جدا إنها خرجتك من شرنقتك بالتاج ده !

وباشكرك على شجاعتك وصراحتك في الإجابة اللي عرفيا جوانب من شخصيتك :)
لك كل تحية واحترام
مساءك ورد‎ ‎

غير معرف يقول...

حبيبى حبيبىىىىىىىى
انا معاكى فى النقطة رقم 2 اووووووى
انا والله بتعب جدااااااا من الحوار دة نفسينا ومش بنسى خاااالص
عارفة المشكلة مثلا ان لمة حد يضايقنى مش بكش وشى قدامه لاابداااا اضحك وكان مفيش حاجه خالص بس من جوايا اموت بجد
وازعل واقول فى بالى ليه مابقناش نعرف نقدر بعض للدرجاتى
***************
بهتم اوى اوى بالتفاصيل يمكن اسيب الشئ الرئيسي واهتم بتفاصيله


ويمكن اصغر التفاصيل تفرحنى .... واصغرها بردو تزعلنى ( عقلي صغير يعنى )


بتأثر فعلا بالتفاصيل بدرجة كبيرة
*************
انا فهمت بجد احنا ليه حبينا بعض واستريحنا لبعض من اول مرة
ريم ياحاجه انا بحبك وبموت فيكى من الاخر يعنى
وانتى اكتر حد رقيق شفتوا فى حياتى
وادعيلنا ربنا يتمها ع خير ياااااارب
امواااااااااااااة
عووووووووووووووووووو

أحــوال الهـوي يقول...

اولا التيجان بتبقي للملوك و الملكات و بما انني من قوي الشعب الكادحة فانا ما اقدرش اخد اي تاج
ثانيا
نسيتي تقولي في الاسرار انك صريحه جدا ما تعرفيش تكدبي و ده واضح من الاجابات
اللي ملخصها بتقول انك انسانه و اضحه جدا بها طفولة وبراءة قوة و طيبة و بتحبي الناس الرايقة اللي بتضحك علي طول

و المفيد انك شخصيه رائعه حتي ان ادعيتي بعض السلبيات الطبيعيه

تحياتي

ahmed_k يقول...

الحاااااااااامد للــــه
أنا التعليق رقم 7 يعني متدبستش في التاج
بس فعلا إجاباتك جميله وخصوصا أنك أفصحتي عن خوفك من كل كائن متحرك غير البني آدمين
كلمه في سرك في فار قاعد معيا في الشقه ومغلبني من 3 أيام
لدرجة أني بقيت ماشي خايف ألزق في أحدى اللزقات اللي حاططهمله من كترتهم،
أنا اللي حاططهم خايف للزق فيهم وهو أبن العفريته أبدا ولا هامه
بس مش خايف منه برضو

وكل تاج وأنتي طيبه وسلميلي على أسكندريه

ebn roshd 777 يقول...

اولا عايز اقولك ان صعب اوي اوي ان الانسان يوصف نفسه وطباعه
ثانيا انا رايي الشخصي في حضرتك ومن غير اي مجامله انك انسانه جواها حب وخير لكل الناس
وده علي ما اعتقد اللي بيقولوا عنهم انهم دائما
في حاله تصالح مع النفس
خالص دعواتي وتمنياتي لكي ولاسرتك بكل الخير والسعاده

حنعيش يعنى حنعيش يقول...

انا كدة التعليق التامن يعنى براءة يامعلم
اييييييه فينك من زمان ... وحشتنا يا باشا ... وفيه طلب قومى انك تشتركى معانا فى موضوع ليالى مصريه ... التفاصيل فى المدونه..... مستنيين الموافقة

همس الاحباب يقول...

امممممممم
تاج الصراحة والوضوح والتلقائية والبساطة
ده عنوان اجاباتك
بس والله معلومات قيمة ممكن تنفع الاجيال القادمة
هههههههههه
مش بحب الكاّبة ولا النكد خالص خالص بحب الحياة تكون سهلة وجميلة وبحترم جدا الست اللى مش نكدية
هههههههه اهى دى صعبة لانك كده مش هتحترمى 99% من الستات
كل تاج وانتى طيبة
تحياتى

ستيتة يقول...

بس والله واضحة
مين قال ان اللي يقابلك اول مرة مش ها يكتشف انك بتلعبي باللعب

تعرفي ياريما
انا امتى عرفت اني كبرت
وحزنت يعني مش فرحت
لما بطلت اقرأ ميكي وألعب
وده من كام سنة فاتوا قليلين
الله يخرب بيت الغربة
معرفتش ارجع منها تاني
البقاء لله فيا

كلام عيب يقول...

من احلى الردود اللى قريتها على التاج ده
جميل جدا الطفوله و البرائه اللى جواكى
ادامها الله عليكى
الشخصيات اللى زيك قليلين و كتير محبوبين

أبو العريف يقول...

اجاباتك عرفتنا بيكي اكتر

اصعب حاجه فعلا ان الواحد يتكلم عن نفسه

مش عارف اصلا هل الواحد بيشوف نفسه صح

ولا احيانا مش بيبقي عارف نفسه

عموما

شخصيه جميله وهاديه

تحياتي

سمع هوص (Abo 3li) يقول...

جدعة يامنونة...

بــــــــــــــخ... خوفتي؟؟ هه؟؟

shimaa elkholy يقول...

انا كنت مسااااافره الحمد لله وانا مش وكنت السادسه
ههههههههههههههه


طب يعنى انا عرفت الحاجات دي من اول مقابله
هههههههههههههههههه

وحشاني يا بطوط

غير معرف يقول...

يادي الجورسه

الملخص يعني

سياستك

1-متدبسه

2- جبانه وبتخافي من خيالك

3- كئيبه ونكديه(لانك مكتفيه ومش عاوزه أكتر من اللي عندك)

4-عنديه

5- عيله

6- مافيش عقل وبتقولي انه صغير

7- عصبيه

يااااااااااااااحلاوه

-_- يقول...

ردود حلوة

Remas يقول...

P A S H A

مساء الفل

اه طبعا انت بتكتب براحتك لانك اتدبست فيه وجاوبت قبلى

ميرسي اوى
واجابتك عند منونا كانت كمان جميلة

منورنى يا باشا

Remas يقول...

كيكى عووووووو

ياتوتة انا والله اللى ارتحت لك وحبيتك كتييييييييييييييير كتيييييييييير

وفعلا بحسك في حاجات بتاخدى بالك منها اوى مع انها صغيرة وبجد بتفكرينى بنفسي في دا اوى اوى

ربنا معاكى ياقمر
وياااارب نطمن عليكى وتعدى الفترة دى على خير

بحبك اوى يا كيكى وانتى عارفه

Remas يقول...

أحــوال الهـوي
لو التاجات للملوك والامراء بس مش كنت انا خدته
وميرسي اوى على كلام حضرتك

واللى عندى مش سلبيات طبيعية بس لا دى في سلبيات اكيد كبيرة

ميرسي اوى يا دكتور ونورتنى واسعدنى تواجدك

Remas يقول...

ahmed_k

يا استاذ احمد حضرتك رقم 5 مش 7 انت هاتضحك علينا ولا ايه ؟؟

فار ؟؟
الله يكون في عونك

هانبئا نسأل الفار عليك ونطمن منه اذا كنت لزقت في اللزقات ولا لسا

واسكندرية مش رحت والله بس حاضر اسلم لك عليها بردو ولا يهمك

منورنى يا استاذ احمد

Remas يقول...

ebn roshd 777

ياااه اخيرا

اخبار حضرتك ايه ؟؟

ربنا يخليك يارب على رأيك فيا

وعندك حق فعلا صعب اوى الواحد يوصف نفسه

تحياتى لحضرتك وبجد بجد منورنى

Remas يقول...

حنعيش يعنى حنعيش

يا اهلا بدكتور اسلام

انا فعلا مقصرة في زيارتى للمدونات وبعتذر جدا

وميرسي لسؤال حضرتك اوى

يا فندم انا مش اقدر اقول اى حاجة للطلبات القومية وانا فعلا زرت المدونة عند حضرتك وطبعا موافقة ومعاكم دايما

المدونة نورت يا دكتور

Remas يقول...

همس الاحباب

شفت يا استاذ خالد انا طلعت مفيدة ازاى وبنفع الاجيال القادمة

هههههههههههه

بس انت هاتوقعنى في الغلط لييييييييه ؟

انا بحترم كل الستات طبعا
اصلا مين قال ان الستات بيحبو النكد

دا الرجالة هما اللى بيخلوهم بس في المود

شكلك النهاردة جاى تهدى النفوس

منورنى يا ابو همس

أحمد عاطف يقول...

سا الخير يا حاجه ريم

ممكن سؤال لوزعي ؟؟؟

بتحبي الورد ؟؟؟

ارجو الاجابة وبسرعه

اجاباتك بجد لذيذه

Remas يقول...

ستيتة حسب الله الحمش

ستوتة حبيبة قلبي اللى وحشانى مووووت

بجد يا ستوتة حسيتى من اول ما شفتينى انى لسا بلعب باللعب ؟؟؟

انا كمان ياستوتة وبالرغم من رجاحة عقلك وحكمتك الواضحة الا انى بحس فيكى شئ من طفولة لذيذة

سلامى وبوساتى لكى ولمانوسة وعفرتو

Remas يقول...

كلام عيب

ميرسي ياتوتة ربنا يخليكى ياقمر

انتى فين من زمان ؟؟

وحشانى اوى

منورانى ياقمر

Remas يقول...

أبو العريف

هو فعلا انا معاك في ان صعب حد يوصف نفسه

وصعب كمان يشوفها كويس ويفهمها

ميرسي اوى لرأيك

ومنورنى جدا جدا بعد طول غياب

Remas يقول...

ندى الياسمين

حمد لله على سلامتك ياتوتة

انتى كمان عرفتى من اول مرة زى ستوتة ؟؟

هو انا واضحة اوى كدا

انتى ياتوتة اصلك فهمانى اوى

وحشانى اكتر ياقمر والله

Remas يقول...

مصري جدا

جورسة ؟؟؟؟؟؟

لازم تقول كلمة من كلامك الغريب دا كل مرة

وميرسي خالص خالص

انا قلت جبانة اوك

عقلى صغير ماااااشي

بس ايه نكدية وعصبية دى جبتها منين ؟؟

عموما ميرسي يا فندم على رأيك

المهم لازم انت تفهم كدا عكس الناس

وبردو منورنى يا هانى باشا

Remas يقول...

Sharm

ميرسي جدا جدا

منورنى

Remas يقول...

أحمد عاطف

مساء الفل يااحمد باشا

اه بحب الورد اوى اوى

وبحس انه بجد بيغير لى مودى وبيخلينى مرتاحة

ميرسي اوى ليك

منورنى يا استاذ احمد بجد

Sameh Ezzat - (خواطر خاطر) يقول...

بس انا لما شفت حضرتك في الافطار الرمضاني السنه الي فاتت.. اخذت انطباع مختلف عن اجابات الاولي والثانيه خااااااااالص