تعلمت مؤخراً قراءة عداد الغاز ودا لأن جوزى كان دايما قلقان من انى احيانا بكون لوحدى وبضطر افتح للموظف وأدخله عشان يقرأ العداد .
وللحق فإن موظفي الغاز كلهم من الشباب المهذب المحترم وقد مرعلي منهم كثيرون وجميعهم بنفس المواصفات والاخلاق العالية .
لكن جوزى فضل انى اكتب القراءة على ورقة وأعلقها على الباب حتى يطمئن قلبه ( الراجل يا جماعة بيغير عليا ) .
وفعلا علقت الورقة على الباب وجاء الموظف وكتب على الورقة كلمة ليعلمنى انه أخذ القراءة لحد كدا تمام والراجل قايم بشغله على اكمل وجه
اللى لفت نظرى الكلمة اللى كتبها لقد كتب عُلم وشكرن
اه والله شكرن بالنون
بصراحة اتصدمت دا بنتى اللى في primary 1 بتكتبها شكراً بالتنوين
معقول ؟ هو دا شبابنا .. مش عارفين يكتبو ؟
طبعا دى مش اول حاجة تصدمنى انا بتصدم صدمات لغوية كتير من اول ما رجعت مصر بعد مدة طويلة في السعودية ابتدت من وانا عندى سنة تقريبا وامتدت لحد ما اتجوزت واستقريت في مصر
مصر اللى كنت دايما بشوف اساتذتها بيعلمو في جامعات ومدارس السعودية والخليج كله بيعلمو اللغة العربية الصح
بس الظاهر انهم راحو يعلموها هناك وعلموهم فعلا قواعدها صح لكن نسيو يعلموها لأولادهم المصريين الاول
تعالو كدا نقول لاى شاب في الجامعة ومش هاقول في اعدادى ولا ثانوى لا انا بقول في الجامعة تعالو نقوله اقرا شوية من سورة المائدة او البقرة او اى سورة طويلة وشوفو كم غلطة هايغلطها
انا بشوف شباب وشابات والله بيغلطو لسا في المد بالالف .
ولا كتاب العربي بتاع بنتى اللى هو كتاب الوزارة العادى اللى المفروض بيألفوه اساتذه كبار وبيراجعه بردو اساتذه اكبر
الكتاب مش فرق بين الالف اللينة والياء
يعنى كلمة علي اللى هى اسم وتنتهى بحرف الياء بتكتب زيها زى على اللى هى حرف جر واخرها ألف لينة
وكلمة أبي اللى هى ابويا واخرها ياء بتكتب زى أبى بمعنى رفض واللى اخرها الف لينة
طبعا انا مش بقول انى استاذة لغة عربية ولا بفهم فيها اوى بس اللى انا بقوله دا اساسيات المفروض الطفل اللى لسا في ابتدائي يكون عارفها
طيب معقول يعنى الكتاب دا عدى على كل الاساتذه اللى قرأوه ودرسوه من غير ما يلاحظو دا ؟
بجد حاجة غريبة
مش عرفت ارد على بنتى اقولها ايه لما قالتلى هى مش ابي اخرها يا مامى ياء من اللى تحتها نقطتين ولما قلتلها اه قالتلى طيب ليه انكل بتاع الكتاب نسي النقطتين
ولما قلتلها معلش حبيبتى احنا نصلحها
قالتلى انا بحب الانجليش عشان كدا مش بيكونو ناسيين حاجة
تفتكرو اقولها ليه انكل نسي النقطتين ؟
ملحوظة : بليييييز اوعو حد يعد الأخطاء اللغوية الموجودة في البوست دا احسن هازعل أوي منه وهايبقا بصراحة منظري وحش أوي
هناك 37 تعليقًا:
وحشتيني يا ريم ووحشتني كتاباتك
انا اتعلمت الفرق بين ال ى وال ي في السعودية
ومن كتر ما كتبت مناهج لنفسي بقيت أتو ماتيك بكتبها صح
لكن السيد عفرتو ابني لما كتب تحتها نقطتين في المدرسة قالوا له نو ابسلوتلي هي بتتكتب يابابا من غير نقطتين تحتها
قال اكتبها ازاي يا ماما؟
قلت له يا حبيبي لما تكون في ايطاليا اعمل زي الطليان
الواد جه له هطلان ومش فاهم
قلت له هنا مفيش نقطتين
لأن أحمد هنا بالضبط زي الحاج أحمد
وشكرننننننننننننن
ما هي دي المصيبة الفحلئي
أحسن مدرسين بيروحوا عند براميل الجاز
ويرجعوا يعملوا فيها رجال اعمال وطبعا يدخلوا السجن
ويبقى بتوع شكرن يعلموا اجيال الطلائع
تاريخ بيتكرر بالكربون
الدولة العثمانية أخدت احسن صنايعية في مصر ونقلتهم الاستانة
ودة تسبب في أفول مصر
لكن مين دي مصر يا بنتي
بترجع تاني اشد واقوى
منحنيات ترتفعوتهبط لكن في النهاية مسيرها ترتفع
اختى وحبيبتى ستيتة اللى وحشتنى مووووووووت
ازيك ياقمر
للاسف يا ستيتة اولانا بيتعلمو غلط بس عشان يكونو في ركاب القطيع
بس ليه حق عفرتو يجيله هطلان والله
ربنا يخليه لكى يارب هو ومانوسه
وعفوننننننننن يا قمر
وبحبك جدا
مصري جدا
هانى اخويا الجميل ازيك
ياعم ايه بس الكلام الكبير دا
انا مش ادك انا اخرى نقطتين فرق بين ابي وابى
بس يارب يا هانى بجد ويسمع من بؤك ربنا ومصر ترجع ترتفع تانى
واخد بالك انت من بؤك دى وانا اللى بدافع عن اللغة العربية ههههههههههههه
خلاص هاخليها يسمع من فمك او فيك ربنا
نورتنى يا باشا
الاصح فوك
لا فض فوك ومات حاسدوك
اصل عندي أنفلوانزا والتهاب في الحلق وحرارتي 40 بهلوس من الاخر
ههههههه طب ألحقي صلحي أوي الأولانيه في الملحوظه نسيتي النقطتين ههههههه
بس والله فلا معاكي حق
أنا بلاحظ كده كتير
والأدهى والأمر واحد مؤذن يعني مقيم شعائر راح الحج وبعد أما رجع كتب على البيت (قول هو الله أحد ) طب ده أيه يتقاله ؟؟؟؟قول مش قل هههههههههه
في منده كتير يا ريم
بس بوست جميل
والراجل لو مغارش على مراته
معلش ميبقاش راجل
فجوزك عمل الصح ربنا يسعدكم
دمتي بكل خير
مصري جدا
صح ياهانى معاك حق يا فندك هى فعلا فوك
بس انا عشان سبقتها حرف الجر من اصبحت ( فيك )لانها مجرورة ولو كانت منصوبة كانت اصبحت( فاك ).
ودا طبعا على حد معلومات المتواضعة ويمكن اكون غلط وياريت لو كلامى مش صح حد يصحح لى لانى فعلا بقدر جدا اللى يصحح لى معلومة
ولا فض فوك ومات حاسدوك والف يلامة عليك وان شاء الله يكرهوك
بجد الف الف سلامة ويارب تكون بتهزر وتكون بصحة جيدة يارب
ahmed_k
ميرسي ميرسي ميرسي انك نبهتنى على اوي اللى من غير نقط طبعا مش قادره اقولك انا عامله ازاى دلوقتى من كسوفي
وشي احمر ومحرجة جدا
بنقد الناس واقع في نفس الغلطة
هههههههههههههههه
وبجد حكاية المؤذن دى جامدة موووووت وموتتنى من الضحك
وانا جوزى غيور جدا جدا ومرات بحس انها غيرة زيادة بجد اوي مش عارفه دا طبيعى ولا ايه ؟
نورتنى يا باشا
هو أنا بتاع هزار برضة؟
دة الانفلوانزا اللي عندها هاني ربنا يشفيها دة واد مفتري أنا عارف
ديتها دش ساقع بالليل قبل ما انام وكلة يبقى فل الفل
هانى
يعنى بجد عندك برد انا والله فكرتك بتهزر
لا الف الف سلامة عليك يا باشا
وبلاش الشاور الساقع دا وانت تعبان كدا حرام ممكن البرد يزيد
خلى بالك من نفسك والصبح ان شاء الله تطمنى وتقولى انك تمام وزى الفل
ريم
هى دى مصر يا عبلة
هو دا التعليم للاسف فى مصر شباب الكليات لا ليه فى العربى ولا اللغات
والله انا شفت ابن الدادة فى ثالثة ابتدائى ناجح بتفوق ولا يعرف يكتب اى شئ سوى اسمه ... اى كلمة .. اى جملة
طيب اقرا كلمة مكتوبة
نو نيفر
وناجح بتفوق والمسكينة بتزغرد
طيب اقولها ايه
تصدقى بالله؟
بعد السياح الاسود اللى فوق دهكنت ناويه اقرا البوست تانى واشوف الاخطاء
اللغويه اللى عندك
بس يلا يابخت من قدر وعفى
هههههههههههههه
القدر و انا
اهلا هلا ياقمر
ازيك وحشانى
انتى عندك حق والله بشوف النماذج دى كتير للاسف
ومين عارف ممكن اللى مش بيعرف يكتب اسمه دا يطلع مدرس هو في حد واخد باله من حاجة
وسيبى الدادة تزعرد على حالنا وحال ولادنا اللى زى الفل
بجد انتى كنتى وحشانى
عاشقه الرومانسيه
كدا بردو ؟ عاوزه تسيحيلى زى ما سيحت انا للناس ؟
طيب استري عليا ربنا يكرمك دا انا يبئى منظرى وحش حتى
انتى عسولة والله
نورتينى ياقمر
انتي عايزة بليييز النجدة
فية مسرحية لفؤاد المهندس
كان مكتوب فيها العلم نورن
اعتقد السكرتير الفني
نفسي اشوف بتوع الحزن الوطني بيكتبوا ازاي
أكيد شفط
لهط
اتزرزع
يلا بالسم الهاري
مصري جدا
عامل ايه النهارده ؟
يارب تكون احسن
ههههههههههههههه
والله فكرتنى بالمسرحية دى
فعلا العلم نورن
وليه نروح بعيد
شوفى فى وسط المدونين اللى المفروض انهم شباب مثقف وواعى
واتفرجى على الاخطاء الاملائية اللى تكسف فى بوستاتهم
فعلا مستوى اللغة العربية فى مصر متدنى جدا
تفتكرى ايه الحل؟
هههههه
زعلانة من كلمة او كلمتين خطا
فما بال حضرتك
لما تشوفى دكتور فى اى مجال ومش بيعرف يكتب عربى
او شباب مش عارفة تكتب جملة واحدة عربى لا املاء ولا نحو
ومتخرج من كليات القمة
ناهيكى عن القراءة بتسمعى كلمات ما انزل الله بها من سلطان
ولا الاخوة والاخوات من يمزح اللغة العربية ببعض الكلمات الاجنبية
تحياتى لحضرتك ولغيرتك على لغة القرأن
وحقا لو اننا محافظين على تلاوة القرأن لتلاشت تلك الاخطاء
دمتى بكل ود
ياريييييم ..
متعلقيش انتى جتى على دى مثلا ..
امال لما تدخلى كلية تربية وقسم لغة عربية وتلاقيهم بيغلطوا فى كلمات هاتقولى ايه ؟؟؟؟
طب اقولك حاجة تضضحك واحدة صاحبتى بتحكيلى عندهم دكتور اسمها بثينة .. اسم سهل جدا وكانت بتدى دفعى فرع لغة عربية لقيت ولد فى امتحان كاتب من فوق امتحان الدكتور بسينة تخيلى !!!
الدكتورة كان هايجيلها شلل ياعينى ..
ومش بتوع اللغة العربية بس ..
تعالى على المهندسيين اللى بيبنوا عمارات ومش فاهمين حاجة .. وبتقع العمارات ..
ولا الدكاترة اللى بتنسى الفوط دخل المرضى ..
هانقول على ايه ولا ايه ..
لله الأمر من قبل ومن بعد ..
دمتِ بخير حبيبتى ..
وعلى فكرة واحشتنى ..
ليلى في عالم اّدم
اهلا بيكى عندنا
نورتى المدونة
بصي انا ليه علقت على كتاب العربي بتاع اولى ابتدائي لان هو دا الاساس ياليلى
الاساس في التعليم الاساسي اولى سنوات التعليم هى الاساس الراسخ للى بعد كدا
اسعدنى تعليقك
همس الاحباب
اهلا بيك يا أبو همس منور والله
بصراحة والله بزعل لما بشوف كدا
خاصة انها مش بتكون غلطات يعنى بسبب سرعة زى ما كلنا بنغلط واحنا بكتب تعليق أو بوست
لا دى أخطاء فادحة
وفعلا لو علمنا ولادنا كيف يقرأون القراّن هاتختفي هذه المشكلة
سلامى للامورة همس
لجين ابو الدهب
والله على رأيك انا يعنى جيت على دي وهازعل ماهى مصائبنا كثيرة وكبيرة مش جت على دي يعنى
بس بجد جامدة اوى بسينة دى ههههههههههههه
المفروض كانت رجعته اولى ابتدائي
بصراحة يا لجين البوست دا جابلي وجع القلب لانى بقيت خايفه اغلط وانا بكتب ويبئى المنظر وحش اوى وبقيت مبحلقة في كل حرف واقرأ كلامى 10 مرات عشان مش يكون فيه غلط
مش كنت حطيت لسانى في بؤي وسكت احسن
ههههههههههههههههه
انتي وحشانى اكتر يا جميل
ههههههههه
ياريتها جات ع شكرن وبس
ده في شويه كلام ينقط
الي يحط السين مكان الصاد والي يحط الضاد مكانها دال
يعني في حجات عجيبه كده
وفيه ناس بتخفف الحروف من باب الدلع :D:D
يعني عشان تبقى اسهل كده
وشيك :D:D:D
وحكايه الياء بردوا
انا كتبها الحمدلله يمنى وعلي
مستنيه الجديد
وانا جديده اصلن هع
MǿиY El-Shreef
انتى اصلن اصلن اصلن نورتينى
ههههههههههههههههه
بجد نورتينى
كتر خيرة القاريء تلاقيه خريج زراعة
عارفة يا ريم سألت صديق مرة، انت حافظ سورة العاديات؟ قالي ايوه
قلت له طيب يعني ايه والعاديات ضبحا، فالموريات قدحا، فالمُغيرات صبحا، فأثرن به نقعاً، فوسطنا به جمعاً؟
قاللي مش عارف
ودي سورة قصيرة، مش سورة البقرة أو المائدة كمان
الموضوع طبعاً كبير لكن مشكلته الأساسية تكمن في اننا أصبحنا شعب رافض انه يتعلم
في مدونة ملامح موضوع اسمه تعالوا نكتب صح.. هو أقل موضوعات المدونة زيارة
مش قلت لك احنا رافضين اننا نتعلم
لكِ التحية.. وشكرن جدن
هاني النجار
هو القارئ حتى لو خريج رابعة ابتدائي مش المفروض مش يكون عارف كلمة شكراً بالتنوين ولا لأ
بس فعلا احنا مش بنتعلم ولا بنسعى للتعليم لما نحس اننا محتاجين له
لا والاكثر من كدا انك تلاقي ناس بتجادل وهى على خطأ
مره جادلنى واحد في كتابة كلمة اذهب ومصر انها ازهب ... تخيل ؟
المهم انك نورتنى جدن جدن جدن
اولا غلطات البوست بتبقى غلطات كى بورد
ثانيا اسامة بتتكتب اوسامة
كفتة بتتكتب كوفدة
مضرب بتتكتب مدرب
وكفاية عليكى كدة .....وحكمتك يارب
حنعيش يعنى حنعيش
منورنى يا باشا وربنا ما يحرمنا من تعليقك اللى زى العسل دايما
ايوا الله يخليك قول كدا ان غلطات البوست بتكون غلطات كى بورد احسن انا من بعد البوست دا وعينا وجعتنى من كتر التدقيق في الكتابة وانا بعلق عند اى حد .. خايفه يقولولى زعلانة من نقطتين وانتى كل كلامك غلطات
بس والله معاك حق في الأخطاء اللى ذكرتها والمهم ان دا اصبح العادى وكل واحد بيتباهى انه مش بيعرف يكتب العربي البيئة دا وان ثقافته انجليش او فرنش
انا بفرح جدا لما اشوف تعليقك عندى لانك من الناس اللى بحترمهم جدا وبكن لهم كل احترام
اولا المدون اكثر من رائعة ودة اول مرور وسوف يتكرر
ثانياً : فعلاً اللغة العربية اصبحت معدومة عند الشباب مع انها لغة القرأن الكريم واحزن كل الحزن عندما اجد شباب جامعة ولا يعرفون الكتابة بطريقة صحيحة مثل الاطفال ولاكن الاطفال عندما يتعلمون جيدا فإنهم لا ينسون ما تعلموه .
فالحل فى فى الجيل القادم يجب ان يتعلم جيداً وخاصة اللغه العربية التى استبدلناها باللغة الانجليزية فى مدارس اللغات
تحياتى
أكيــــــــــــــــد
وحشتينا
من غير ما تقولي لي وحش اما يلهفك
مش العلم نورون برضه ؟؟
اكيد
اهلا بك في المدونة ونورت المدونة بوجودك
وعندك حق في كل كلمة
نورتنا واسعدنى تواجدك
مصري جدا
استاذ هانى
يافندم احنا يحصلنا الشرف لما نوحشك
ويارب وحش ياكل اللى يكرهك
انا فعلا كنت تعبانة جسديا ونفسياً
والحمد لله على كل شئ
وربنا يخليك يا باشا
محمد عتلم
اهلا يا فنان
طبعا انت صح العلم نورن ووجودك في حد ذاته عندى هنا نورن كبيرن
ريم مش انتي بس اللي عندك احطاء يعني انا مثلا المدونة علي ما اعتقد بها اخصاء املائي لننا اشحصاص عاديون وليسو مدرسين وكبار المدرسين في اللغة العربية بجد حاجة مسخرة تخيلي ازاي يغلطوا؟؟؟؟؟؟؟؟؟ هههههههههههه ديحاجه مسخرة اوييييييييي
إرسال تعليق